Ætlaði að vinna titla á Íslandi í sumar

26.Apríl'11 | 12:55
Gunnar Heiðar Þorvaldsson, framherji Norrköping í Svíþjóð, er bjartsýnn á að uppeldisfélag sitt ÍBV geti gert góða hluti í Pepsi-deildinni í sumar.
 
,,Ég er svolítið spenntur fyrir sumrinu hjá ÍBV. Evrópukeppnin gefur aukakraft og vonandi kemst liðið sem lengst þar. Vonandi fær liðið sjálfstraust þar sem nýtist í deildinni,“ sagði Gunnar Heiðar við Fótbolta.net.
 
Eyjamenn enduðu í þriðja sæti í fyrra en markmiðið er að gera ennþá betur í ár.
 
,,Markmiðið í Vestmannaeyjum er að gera betur en í fyrra. Þeir komu mörgum á óvart í fyrra með því að enda í þriðja sæti og eiga möguleika á titlinum fram á síðustu sekúndu. Með þessari týpísku Eyjabaráttu og Hásteinsvöll þá gæti þetta vonandi orðið betra sumar. Fimmta sæti er ekkert alslæmt en ég vona og held að þeir verði ofar.“
 
Gunnar Heiðar gerði sjálfur fjögurra ára samning við ÍBV í febrúar en hann stoppaði ekki lengi við því rúmum mánuði síðar fór hann farinn til Norrköping í Svíþjóð.
 
,,Ég var langbestur og langmarkahæstur á æfingum þangað til ég fór út,“ sagði Gunnar hlægjandi þegar hann rifjaði upp þessa stuttu dvöl hjá ÍBV í vetur.
 
,,Maður hefur auðvitað rosalegar taugar til félagsins og það var ástæðan fyrir því að maður vildi koma aftur heim og byrja upp á nýtt. Síðan bauðst þetta tækifæri í Svíþjóð og eftir mikla umhugsun ásamt fjölskyldunni ákváðum við að kýla á þetta hérna úti.“
 
,,Ég vona að ég geti lokað hringnum og komið til baka til Eyja og spilað eitt tímabil eða fleiri. Ég á ennþá eftir að vinna titil á Íslandi, ég ætlaði að gera það í sumar en það er vonandi að maður geti gert það einhverntímann síðar.“
 
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).