Allir á batavegi eftir slys í skipi í Vestmannaeyjahöfn

21.Apríl'11 | 06:40

Huginn VE

„Ef þeir hefðu verið einir þarna og enginn verið yfir þeim hefði þetta getað farið illa,“ segir Guðmundur Huginn Guðmundsson, skipstjóri á Hugin VE. Þrír vélstjórar urðu fyrir kolsýringseitrun í vélarrúmi skipsins síðdegis í gær, þegar loki gaf sig á röri með þeim afleiðingum að súrefnið bókstaflega tæmdist úr hinu þrönga rými sem þeir voru í. Einn mannanna stóð innan við einn metra frá uppstreyminu og missti meðvitund nánast samstundis. Hinir tveir stóðu lengra frá og vönkuðust. Þeir náðu hins vegar fljótt áttum.
 
Snör handtök komu í veg fyrir að verr færi. Að sögn læknis á heilbrigðisstofnuninni í Vestmannaeyjum brugðust þeir hárrétt við aðstæðunum. Mennirnir kölluðu strax eftir aðstoð og settu þá upp svokallaðar flóttagrímur, grímur sem innihalda lítið súrefni en gefa mönnum kost á að flýja t.d. reykeitrun. Þeir settu einnig grímu á félaga sinn sem lá meðvitundarlaus. Þá var loftað út eins og kostur var.
 
Einn fluttur til Reykjavíkur
Tveir mannanna gátu gengið frá borði, en sá sem staðið hafði næst uppstreyminu var borinn á börum, meðvitundarlaus. Hann var sendur til Reykjavíkur til skoðunar í gærkvöldi, sem öryggisráðstöfun, en upphaflega voru allir þrír fluttir á heilbrigðisstofnunina í Vestmannaeyjum. Þeir voru allir við meðvitund og heilsaðist þokkalega.
 
Guðmundur Huginn segir allt hafa farið betur en á horfðist. „Það reddaði því að þarna voru réttir menn á réttum stöðum og þeir gerðu allt rétt. Þeir komu strax með svokölluð flóttatæki og hringdu á Neyðarlínuna,“ sagði hann í samtali við blaðið.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.