Endurmat samnings vegna dýpkunar

13.Apríl'11 | 13:24
Innanríkisráðherra segir verktaka sem dýpkar Landeyjahöfn ekki hafa næga reynslu. Meta þurfi hvort segja eigi upp samningi við hann.
 
Upphaflegur samningur Siglingastofnunar við Íslenska gámafélagið um dýpkun Landeyjahafnar gilti til 1. apríl síðastliðinn. Verktaki telst þó ekki hafa uppfyllt hann þar sem aðeins hefur tekist að fjarlægja um fimmtung þess magns sem samið var um.
Eyjafrettir.is birtu í gær svar Ögmundar Jónassonar innanríkisráðherra við opnu bréfi Helga Hjálmarssonar, íbúa í Vestmannaeyjum, vegna dýpkunar Landeyjahafnar. Ögmundur vill ekki kenna dýpkunarskipinu alfarið um. Hann tilgreinir tíðarfar sem ástæðu þar sem ölduhæð hafi verið of mikil undanfarna þrjá mánuði sem Herjólfur hefur siglt til Þorlákshafnar. Ögmundur bendir einnig á skipulags- og reynsluleysi verktakans sem hafi meðal annars leitt til þess að sums staðar hafi verið dýpkað of mikið. Rúmlega 40 ára gamalt dæluskipið hefur ekki afkastamikinn dælubúnað, segir ráðherra, en bætir við að stærð þess henti Landeyjahöfn. Að síðustu bendir Ögmundur á að tafsamt sé að dæla mikilli gosösku úr höfninni.
 
Helgi Hjálmarsson segir það vera ljósan punkt í svarbréfi ráðherra að hann segi tilefni til að meta hvort nýta eigi uppsagnarákvæði samningsins sem hægt er að segja upp í maí og júní. „Ég bind vonir við að hann láti verða af því, það er algjörlega vonlaust fyrir okkur að eiga að standa í þessu næsta vetur og jafnvel þarnæsta vetur líka,“ segir Helgi sem hefur ekki lokið bréfaskriftum við ráðherra vegna málsins.
 
Siglingastofnun segir litlar líkur á því að Landeyjahöfn verði opnuð fyrir páska. Í ljósi þess hafa Eimskip og Vegagerðin ákveðið að ekki verði siglt um nýju höfnina fyrr en það liggur fyrir með nokkurri vissu að hún verði opin til lengri tíma.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).