Við verðum að fá kosningar strax

Helgi Ólafsson skrifar

12.Apríl'11 | 14:57
Ef einhvern lærdóm má draga af niðurstöðu þjóðaratkvæðisgreiðslunnar um nýliðan helgi er það að þingið gengur ekki í takt við þjóðina.
 
 
Hin von- og verklausa vinstristjórn hefur nú í þrígang verið gerð afturreka með samninga um að íslenskir skattgreiðendur taki á sig fall einkabanka á erlendri grund. Fyrsta samningnum, hinni glæsilegu niðurstöðu Svavars Gestssonar eins og fjármálaráðherra kallaði hann, var hafnað af Alþingi þegar þingmenn úr flestum flokkum tóku sig saman um að setja fyrirvara við hann til að reyna að lágmarka skaðann af honum fyrir fjárhag ríkissjóðs. Seinni samningunum tveimur var svo hafnað með afgerandi hætti í þjóðaratkvæðisgreiðslum, þrátt fyrir stuðning meirihluta þingmanna.
 
Af þessu er greinilegt að vinstristjórnin er ekki í sambandi við þjóðina, enda skoðanakannanir að undanförnu sýnt að meirihluti þjóðarinnar styður hana ekki. Svo það eru svo sem engin ný sannindi og koma vísast fáum á óvart.
 
En alvarlegri eru þau tíðindi að lögum sem samþykkt höfðu verið af nærri 3/4 hluta þingmanna hafi verið hafnað af 60% þeirra sem þátt tóku í kosningunum um helgina. Þó taktleysi vinstristjórnarinnar ætti ekki að koma neinum á óvart er það mikið áhyggjuefni að þingið skuli ekki endurspegla vilja almennra borgar með skýrari hætti.
 
Eftir þetta er vart hægt að segja að þingið starfi í umboði þjóðarinnar. Því er aðeins eitt til ráða. Þingið verður að endurnýja umboð sitt – við verðum að fá kosningar strax.
 
Helgi Ólafsson
Umsjónamaður innra starfs SUS

www.eyverjar.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.