Sigling á smærri skipum sem ekki uppfylla öryggiskröfur fæli í sér mikla áhættu

6.Apríl'11 | 13:45

Herjólfur

Að gefnu tilefni viljum við undirrituð fulltrúar Vestmannaeyjalistans í bæjarstjórn Vestmannaeyja koma eftirfarandi á framfæri. Undirrituð munu ekki undir neinum kringumstæðum samþykkja að afsláttur verði veittur á öryggiskröfum varðandi siglingar í Landeyjahöfn. Farþegaflutningar á erfiðu hafsvæði verða að lúta ítrustu öryggiskröfum, það er ekki tilviljun að strangar kröfur séu gildi við suðurströnd Íslands.

Sigling á smærri skipum sem ekki uppfylla öryggiskröfur fæli í sér mikla áhættu, hana er rangt að taka. Auk þess verður ekki séð að einfaldara verði að halda uppi öruggri áætlun á smærri skipum eða að lausn felist í þeirri hugmynd. Traustar og öruggar samgöngur eru lykilatriði í rekstri á nútíma samfélagi. Siglingar milli Lands og Eyja verður að þróa með það í huga. Þó harðni á dalnum er aldrei gott að láta tilfiningarnar troða á skynseminni.

Páll Scheving Ingvarsson

Jórunn Einarsdóttir

Guðlaugur Friðþórsson