Kostnaður: 4.000.000.000 kr

Er Landeyjahöfn algjört flopp?

Notkun: 12 dagar á árinu 2011

6.Apríl'11 | 14:26
Það sem af er ári hefur Herjólfur farið 35 ferðir í Landeyjahöfn en aðeins hefur verið hægt að sigla til hafnarinnar í 12 daga á árinu, og ekkert hefur verið hægt að nota höfnina síðan 12. janúar.
Landeyjahöfn hefur nú verið lokuð samfellt síðan 12. janúar og hefur Herjólfur siglt til Þorlákshafnar þess í stað. Eyjamenn höfðu bundið miklar vonir við höfnina sem átti að verða bylting í samgöngumálum þeirra Þessar væntingar hafa snúist upp í mikil vonbrigði.
Það sem af er ári hefur Herjólfur farið 35 ferðir í Landeyjahöfn. Þessar ferðir voru farnar fyrstu 12 dagana í janúar. Herjólfur kemst allt að 8 ferðir á dag í Landeyjahöfn.
 
161 ferð hefur hins vegar verið farin til Þorlákshafnar það sem af er ári, en ferjan siglir alla jafna tvær ferðir á dag þangað. Einu sinni hefur það gerst að engar ferðir voru farnar til og frá Vestmannaeyjum.
Landeyjahöfn opnaði í júlí í fyrra og strax í byrjun september fór að bera á vandræðum með innsiglinguna. Allan októbermánuð var siglt til Þorlákshafnar en ástandið skánaði í nóvember og desember áður en það versnaði aftur.
 
Eyjamenn eru orðnir afar þreyttir á ástandinu og fyrr í vikunni var þess krafist að aðrir bátar en Herjólfur fengju að sigla inn í höfnina. Siglingastofnun hefur ekki orðið við því.
Í viðtali Pressuna í september sagði Elliði Vignisson, bæjarstjóri í Vestmannaeyjum, við Pressuna að hann gerði ráð fyrir 10 til 15 prósent frátöfum í vetur. Frátafirnar í Landeyjahöfn þetta árið hafa hins vegar orðið 85 til 90 prósent.
 
Eyjamenn ítreka þó að það er ekki höfnin sjálf sem er vandamálið, heldur er það Herjólfur sem er vandamálið þar sem hann hentar ekki þessari siglingaleið. Hafa þeir þrýst á að nýtt skip verði keypt hið fyrsta.
Kostnaður við gerð Laneyjahafnar nam tæpum fjórum milljörðum. Framkvæmdin var umfangsmikil. Byggðir voru tveir 700 metra langir brimvarnargarðar og fjögurra kílómetra langir sjóvarnar- og leiðigarðar í Bakkafjöru og við Markarfljót. Hingað til hefur enginn stjórnmálamaður treyst sér til að segja að mistök hafi verið gerð við undirbúning og framkvæmd hafnargerðarinnar.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.