Of gott tækifæri til að sleppa því

segir Gunnar Heiðar

17.Mars'11 | 10:29

Gunnar Heiðar

„Þetta var alls ekkert auðveld ákvörðun en ég spurði mig að því hvenær ég fengi aftur svona gott tækifæri. Á endanum ákvað ég því að taka slaginn," sagði Gunnar Heiðar Þorvaldsson við Vísi en hann skrifaði undir þriggja ára samning við sænska úrvalsdeildarfélagið Norrköping um tíuleytið í morgun.
Það verður þar af leiðandi ekkert af því að hann spili með ÍBV í sumar en hann nýtti ákvæði í samningi við félagið sem heimilar honum að semja við erlent félagslið.
 
„Ég velti þessu mikið fyrir mér enda er ég að byggja hús í Eyjum og konan mín ólétt. Eftir nokkra umhugsun ákvað ég samt að kýla á það," sagði Gunnar Heiðar en hann hittir fyrir hjá félaginu sinn gamla þjálfara frá Halmstad.
 
„Það er ansi stór hluti af ákvörðuninni. Ég hef lítið spilað með síðustu liðum úti en ég veit hvar ég hef þennan þjálfara og hann vill nota mig. Þess vegna var tækifærið einstaklega gott."
 
Norrköping vann sér sæti í úrvalsdeildinni á síðustu leiktíð og ætlar að festa sig í sessi í ár.
 
„Það er mikill uppgangur hjá félaginu. Búið að stækka völlinn og kaupa 7-8 nýja leikmenn. Félagið ætlar því að gera gott betur en að festa sig í sessi."
ÍBV ætlar að finna leikmann í stað Gunnars og skoðar nú tvo framherja. Annar er frá Danmörku en hinn frá Austurríki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.