Leiknir skellti ÍBV

19.Febrúar'11 | 08:26
Leiknir byrjar Lengjubikar karla vel þetta árið því liðið var rétt í þessu að vinna 3-1 sigur á ÍBV í Egilshöll.
 
Leiknismenn náðu forystunni á 22. mínútu leiksins. Hilmar Árni Halldórsson kom þá upp hægra megin og sendi inn í teiginn á Pape Mamadou Faye sem átti ekkert gott skot en boltinn stefndi þó á markið. Rasmus Christiansen virtist vera að bjarga á marklínu og boltinn barst út aftur þar sem Leiknismenn sóttu áfram en Pape fagnaði marki.
Dómarateymið staðfesti svo að boltinn hafi farið inn og staðan orðin 1-0 fyrir Leiknismenn en nokkrum mínútum fyrir markið hafði Pape legið í nokkrar mínútur á vellinum vegna meiðsla sem hann náði að hrista af sér.
 
Eyjamenn jöfnuðu svo metin seint í fyrri hálfleiknum eftir hraða sókn. Denis Sytnik sendi boltan þá út til hægri á Ian Jeffs sem sendi fyrir markið á Þórarinn Inga Valdimarsson sem kom boltanum á Tryggva Guðmundsson. Tryggvi skaut á markið en Eyjólfur markvörður Leiknis varði. Tryggvi náði hinsvegar frákastinu og þá skoraði hann.
 
Leiknismenn komust svo aftur yfir um miðjan síðari hálfleikinn. Rasmus Christiansen var þá að láta boltann fara til Abel Dhaira markmanns ÍBV út við vítateigs endann og rétt áðuren hann náði til boltans stakk Pape sér inní og stal boltanuim og skoraði í autt markið
 
Skömmu síðar slapp Kristján Páll Jónsson framherji Leiknis einn í gegn og Eiður Aron Sgurbjörnsson braut á honum. Þar sem Eiður Aron var aftasti varnarmaður gat Kristinn Jakobsson ekki annað en lyft rauðu spjaldi og dæmt aukaspyrnu á vítateigslínunni. Pepe tók spyrnuna en ekkert varð úr henni.
 
Óli Hrannar Kristjánsson bætti svo við þriðja marki Leiknis með skalla eftir undirbúning Kristjáns Páls þegar um tíu mínútur voru eftir af leiknum og þó svo bæði lið hafi fengið fullt af ákjósanlegum færum urðu mörkin ekki fleiri svo Leiknir vann með þremur mörkum gegn einu.
 
Frétt frá Fótbolta.net. Sjá alla fréttina: http://fotbolti.net/fullStory.php?action=viewStory&id=104418#ixzz1EOKsMFal
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.