Dagbók lögreglunnar

Stúlka sló aðra stúlku með glerflösku í höfuðið

Helstu verkefni frá 7. til 14. febrúar 2011

14.Febrúar'11 | 16:20

Lögreglan,

Lögreglan hafði í nógu að snúast í vikunni sem leið vegna hinna ýmsu mála sem upp komu m.a. fíkniefnamála, líkamsárása ofl. Skemmtanahald helgarinnar fór ágætlega fram en samt var eitthvað um pústra en einungis ein líkamsárás var kærð þó vitað sé um nokkur tilvik þar sem högg gengu á milli manna.
Þá var nokkur erill vegna óveðursins sem gekk yfir eyjarnar um miðja viku og var tilkynnt um nokkur tilvik þar sem þakplötur og klæðningar á húsum voru að losna.
 
Ein líkamsárás var kærð til lögreglu eftir skemmtanahald helgarinnar en um var að ræða ósætti milli tveggja stúlkna á átjánda ári sem endaði með því að önnur stúlknanna sló hina með glerflösku í höfuðið þannig að skurður myndaðist. Stúlkan sem varð fyrir áverkunum leitaði læknis á Heilbrigðisstofnun Vestmannaeyja þar sem sauma þurfti nokkur spor til að loka sárinu.
 
Tvö fíkniefnamál komu upp í vikunni og var í báðum tilvikum um kannabisefni að ræða sem haldlögð voru. Í fyrra tilvikinu fundust um 30 gr. af maríhúana við leit í herbergi á gistiheimili hér í bæ en í hinu tilvikinu fundust um fjögur gr. af maríhúana við leit í húsi í bænum. Bæði málin teljast upplýst.
 
Tvö umferðaróhöpp voru tilkynnt til lögreglu í vikunni sem leið en í báðum tilvikum var um minniháttar óhöpp að ræða og engin slys á fólki.
 
Eitt vinnuslys var tilkynnt í vikunni en skipverji á Aðalsteini Jónssyni SU 11 féll við vinnu sína um borð og þurfti að leita læknis sökum áverka sem hann fékk. Ekki er talið að um alvarlega áverka hafi verið að ræða.
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.