Skandia verður við sanddælingu fram í apríl

4.Febrúar'11 | 16:15
Jón Frantzson, forstjóri Íslenska gámafélagsins, segir að eftir að dýpkunarskipið Skandia er búið að dýpa við Landeyjarhöfn eigi grynningar við höfnina ekki að hamla því að Herjólfur geti notað höfnina.
Dýpkunarskipið Skandia er lagt af stað til Íslands, en mjög vont veður hamlar för. Gert er ráð fyrir að skipið verði við Færeyjar á sunnudag og komi til Íslands í næstu viku. Skipið mun geta hafið dýpkunarframkvæmdir fljótlega eftir að það kemur til landsins ef veður leyfir. Veðurspáin er hins vegar ekki góð.
 
Samningurinn milli Íslenska gámafélagsins og Siglingastofnunar gerir ráð fyrir að Skandia verði til taks fram í apríl. Jón sagði að það ætti því að vera tryggt að dýpi við Landeyjarhöfn ætti ekki að koma í veg fyrir að Herjólfur gæti siglt í höfnina næstu mánuðina. Veður og ölduhæð gætu þó haft áhrif á ferðir skipsins.
 
Skandia er mun öflugra skip en Perlan sem vann að sanddælingu við Landeyjarhöfn í haust. Skandia á að geta unnið í allt að tveggja metra ölduhæð. Skipið verður í Vestmannaeyjarhöfn fram á vorið þegar það er ekki að vinna við dýpkun Landeyjarhafnar.
 
Jón sagði að hluti áhafnar Skandia yrði íslenskur, en skipið siglir undir dönsku flaggi.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.