Breyting á lögum mun leiða til hækkunar á húshitunarkostnaði í Vestmannaeyjum

12.Janúar'11 | 12:52
Bæjarráð Vestmannaeyjar mótmælir harðlega áformum ríkisstjórnar Íslands um að fella niður endurgreiðslur virðisaukaskatts á húshitunarkostnaði, eins og stefnt er að í frumvarpi til laga um breytingu á lögum nr. 50/1988, um virðisaukaskatt, með síðari breytingum (rafræn þjónustusala og eftirlit vegna áætlana) á þingskjali 227 208. mál, lið 11c. Verði frumvarpið samþykkt mun breytingin ein og sér leiða til hækkunar á húshitunarkostnaði á svokölluðum köldum svæðum og þar með talið í Vestmannaeyjum.
 
Bæjarráð leggur áherslu á að komi til þessarar hækkunar á húshitunarkostnaði verði niðurgreiðslur auknar að sama skapi. Bæjarráð bendir á að nú þegar er húshitunarkostnaðar í dreifbýli og þéttbýli á landsbyggðinni tvö- til þrefaldur við það sem kostnaðurinn er á hitaveitukyntum landsvæðum.
Bæjarráð Vestmannaeyja áréttar að finna þarf varanlega lausn á miklum húshitunarkostnaði íbúa á köldum svæðum og nefnir að niðurgreiðslur hafa ekki haldið í við verðlagsbreytingar frá árinu 2005.
Bæjarráð skorar því á iðnaðarráðherra að hann beiti sér fyrir auknum fjárveitingum á fjárlögum næsta árs til niðurgreiðslu húshitunarkostnaðar á köldum svæðum.
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.