Dagbók lögreglunnar

Gestkomandi par í eyjum gerði lögreglunni erfitt fyrir

3.Janúar'11 | 16:06

Lögreglan,

Lögreglan hafði í nógu að snúast í vikunni sem leið við hin ýmsu verkefni. Par sem var gestkomandi í bænum í nokkra daga, tók nokkurn tíma frá lögreglunni og var það til að mynda tvívegis vistað í fangageymslu vegna ölvunar og óspekta.
 
Áramótin fóru ágætlega fram og stórslysalaust. Eitthvað var þó um stympinga við skemmtistaði bæjarins en engar kærur liggja fyrir. Þá þurfti lögreglan að hafa afskipti af fólki í heimahúsum vegna hávaða og einnig til að stilla til friðar.
 
Brotist var inn í Gullbúðina v/Vestmannaeyjabraut að morgni 31. desember sl. með því að brjóta rúðu sem snýr út að Hilmisgötu og stolið þaðan úrum og skartgripum sem voru í glugga verslunarinnar. Ekki liggur fyrir hver þarna var að verki en ljóst er af eftirlitsmyndavélum að einungis var um einn aðila að ræða. Lögreglan hvetur þá sem einhverjar upplýsingar hafa um hver þarna var að verki, sama hversu smávægilegar þær kunna að vera, að hafa samband við lögreglu.
 
Sömu nótt var farið í bílakjallara í Baldurshaga og skemmdar unnar á bifreið þar inni. Hafði golfkylfa, sem geymdar var í kjallaranum, verið notuð til verksins. Brotin hafði verið ein rúða í bifreiðinn auk tveggja ljósa. Ekki er vitað hver þarna var að verki og óskar lögreglan eftir upplýsingum um þann eða þá sem þarna áttu hlut að máli.
 
Aðfaranótt annars janúar sl. var lögreglu tilkynnt um skemmdir á Gamla Golfskálanum í Herjólfsdal. Þarna höfðu fimm rúður verið brotnar, auk þess sem rótað var í skápum og hurð spörkuð upp. Þá hafði verið sprautað úr fjórum vatnsslökkvitækjum. Þeir sem einhverjar upplýsingar hafa um þá sem þarna voru að verki eru beðnir um að hafa samband við lögreglu.
 
Þrjú fíkniefnamál komu upp í síðustu viku og var í öllum tilvikum um að ræða kannabisefni sem voru haldlögð alls um fimm grömm.
 
Einn aðili var stöðvaður í vikunni sem leið vegna gruns um akstur undir áhrifum ávana- og fíkniefna.
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.