Hvor er fallegri Elliði eða Gulli Grettis?

Völvan 2011

31.Desember'10 | 15:03
Völvan hefur enn og aftur sent okkur spá sína fyrir árið 2011 og er greinilegt að lífið verður ljúft í eyjum á árinu 2011. Íþróttalífið verður í blóma og menningarlífið verður aldrei betra en á árinu 2011 miðað við spá Völvuna.
Stjórnmál: Völvan sér fyrir sér mikla baráttu innan meirihluta bæjarstjórnar á komandi ári og munu þá aðallega berjast þeir Elliði Vignisson og Gunnlaugur Grettisson. Barátta þeirra mun aðallega snúast um það hvor sé fallegri og hefur Völvan tekið afstöðu með Gunnlaugi Grettisyni enda hár og myndarlegur maður og fyrrverandi íslandsmeistari í hástökki á meðan Elliði hefur lítið afrekað annað en að vera bróðir Svavars.
Bæjarstjórn Vestmannaeyja mun á árinu ná að sameinast um þá tillögu Páleyjar Borgþórsdóttur um að reisa styttu af Hannesi Smárasyni á toppi Heimakletts og verður styttan svipuð að stærð og Jesústyttan í Rio. Með tillögunni vill bæjarstjórn Vestmannaeyja þakka Hannesi fyrir lífsbjörgina með því að kaupa hlutabréf Vestmannaeyjabæjar í Hitaveitu Suðurnesja á sínum tíma.
Borgþór Ágústsson mun þurfa að segja af sér sem formaður Eyverja eftir að hafa eyðilagt súpufund í Ásgarði með bragðlausri naglasúpu.
Jórunn Einarsdóttir mun setjast aftur á þing við næstu þingsetningu og verður hún klædd í óeirðarbúning lögreglunnar til að verja þá Sigmund Davíð og Birkir Jón fyrir eggjum frá mótmælendum.
 
Íþróttir: Íþróttarlífið í eyjum mun blómstra á árinu og sér Völvan fyrir sér að nokkrir titlar muni koma til eyja. ÍBV fær viðurkenningur fyrir gæði eldri leikmanna ÍBV sumarið 2011 og er það koníaksframleiðandinn Martell sem mun heiðra þá Yngva Magnús, Tryggva Guðmunds og Albert Sævars með því að nefna framleiðsu ársins 2011 í höfuðið á þeim. Einnig fær hinn knái leikmaður Þórarinn Ingi sérstök verðlaun frá Leikarafélagi Íslands fyrir frábæra leikrænatjáningu á vellinum í sumar.
Golfklúbbur Vestmannaeyja mun láta til sín taka á árinu og mun liðið ná góðum árangri í liðakeppni GSÍ á árinu. Valtýr Auðbergsson mun eftir áralanga baráttu komast inn í liðið en Sigurður Bragason liðsstjóri hefur haldið honum fyrir utan liðið til þessa vegna þess að Valtýr borðaði samlokuna hans í ferðalagi með Þór 1991.
Magnús Steindórsson mun svo hlaupa í spik í árinu en Magnús hefur glímt við erfið meiðsli undanfarin ár og sér Völvan ekkert fram á úrlausn mála fyrir Magnús á árinu 2011.
Íþróttamaður ársins verður svo hinn nýbakaði afi á inniskónum Adolf Þórsson fyrir góðan árangur á Smáþjóðaleikunum í skotfimi.
 
Framkvæmdir: Enn og aftur sér Völvan fram á það að framkvæmdir við Baldurshaga muni klárast á árinu. Einnig er langt í land að stærsti sandkassi heims Pompei Norðurssins muni opna.
 
Menningarmál: Menningarlífið á eftir að blómstra sem endra nær í eyjum á árinu 2011. Helgi forseti Ólafsson mun gefa út matreiðslubók á árinu og mun bókin bera heitið „Bjúga og með því“ en Helgi hefur slegið í gegn fyrir uppskrift sína að Bjúgu pasta réttinum sem fæst nú í 1944 réttunum.
Hrekkjulómafélagið mun gefa úr plötuna Ekki benda á mig og munu þar félagar bera af sér sakir í innanfélagsdeilum sem hafa staðið yfir í nokkur ár.
Vinir Ketils Bónda munu slá í gegn enn eitt árið með nýjum sumarsmelli sem mun bera heitið „ Slökkvið á Viftunni, lyktin er að drepa mig“
 
Samgöngumál eyjanna: Tóm kúla en það glittir í sólarstönd í Landeyjahöfn
 
Einstaklingar í eyjum og úr eyjum:
Auðbjörg Halla Jóhannsdóttir mun á árinu taka við formennsku í samtökunum „Við elskum Evrópusambandið“ og í framhaldi af inngöngu Íslands í Evrópusambandið þá verður Auðbjörg kosin inn á Evrópuþingið sem einn af fulltrúum Íslands.
Hannes Kristinn Sigurðsson eða hinn nýji Bragi á Fluginu mun standa í stórræðum á árinu á flugvellinum en sökum þess að Herjólfur siglir bara á þriggja vikna fresti frá eyjum þá munu Ernir fljúga fimm sinnum á dag til eyja.
Þórir Ólafsson aka Tóti nóta slær ekki feilnótu á árinu 2011.
 
Völvuna skal lesa með húmor í huga

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.