Landeyjahöfn lokuð í mánuð

26.Desember'10 | 20:38
Ekki verður hægt að dýpka mynni Landeyjahafnar fyrr en í lok janúar en höfnin er að lokast vegna sandburðar í suðaustan-áttinni. Dýpkunarskipið Perlan nýtist ekki í vetrarveðrum.
Þó að mjög hafi dregið úr sandflutningum í mynni Landeyjahafnar frá í haust og höfnin verið opin síðastliðinn mánuð, verður breyting þar á næstu daga og vikur. Sigurður Áss Grétarsson, forstöðumaður hjá Siglingamálastofnun, segir að miðað við meðalárferði sé líklegt að höfnin verði lokuð næstu vikurnar. Bálhvasst hefur verið á suðurlandi í dag, eins og víða annars staðar á landinu. Aldan sem fylgir sunnan- og suðaustanáttinni mun grynnka mynni Landeyjahafnar það mikið að höfnin lokast, líklega á morgun. Spáð er vestlægari áttum en þær verða ekki nógu sterkar til að hreinsa hafnarmynnið aftur. Því þarf að dýpka en það er alls óvíst hvenær hægt verður að dýpka nægjanelga fyrir Herjólf. Dýpkunarskipið Perlan hentar ekki í vetrarveðrum og í meðalári er ekki vinnuveður fyrir hana nema í þrjá daga í janúar. Það tekur hins vegar að öllum líkindum fjóra daga að dýpka höfnina aftur með Perlunni. Til stóð að dýpkunarskip Íslenska gámafélagsins, Scandia, yrði til taks í Landeyjarhöfn frá áramótum en það tefst. Skipið verður fast í Danmörku fram í miðjan janúar og því er ljóst að Landeyjahöfn verður ekki dýpkuð fyrr en í lok janúar.
 

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).