***** stjörnur

Frábær barnabók um strák sem heimsækir ömmu og afa í eyjum

Ævintýri Lilla - Á slóð sjóræningja

21.Desember'10 | 08:09

Lilli

Lilli er sniðugur strákur sem fer í heimsókn til afa og ömmu í Vestmannaeyjum. Á eyjunni er að finna björgunardúfur, apa sem toga í eyrun á kindum og hella sem geyma leyndarmál. Svo er gaman og lærdómsríkt að fara á sjó með afa Gísla.
 
Fyrir nokkrum vikum stóð ég yfir bókastaflanum í einni bókabúðinni og var að leita að bók til að gefa dóttur minni en bókina átti hún að nota til lestrar æfinga áður en að hún færi að sofa. Fljótlega rak ég augun í barnabók sem heitir Ævintýri Lilla - Á slóð sjóræningja eftir Þorlák Árnason. Á slóð sjóræningja er önnur bók Þorláks um ævintýri Lilla og núna heldur hann til eyja til að gista hjá ömmu sinni og afa.

Sagan er skemmtileg frá fyrstu síðu og lifði maður sig fljótt inn í aðstæður sögunnar og sögupersónur urðu ljóslifandi í huganum við lesturinn. Þegar ég kaupti bókina þá gerði ég ráð fyrir því að hún myndi enda stelpunni minni í nokkra daga við lestrar æfingar en svo varð ekki raunin. Bókin var kláruð á aðeins tveimur dögum svo spennandi og skemmtileg var bókin og voru bæði faðir og dóttir himinlifandi með bókina.

Þorlákur hefur þarna náð að skrifa skemmtilega bók um Lilla og vini hans og nú bíður dóttir mín spennt eftir því að komast til ömmu og afa í eyjum og kíkja á söguslóðir Lilla.

Fimm stjörnur og ekkert annað.
Kjartan Vídó

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-