Einn ökumaður var stöðvaður í vikunni vegna gruns um að vera undir áhrifum áfengis við aksturinn

Helstu verkefni frá 13. til 20. desember 2010

20.Desember'10 | 16:17
Það var í mörg horn að líta hjá lögreglu í vikunni sem leið og nokkuð um útköll vegna hvassviðrisins sem gekk yfir landið sl. föstudag. Í vikunni voru þrír drengir á átjánda ári staðnir að áfengisneyslu inni á einum af veitingastöðum bæjarins eftir lokun. Gáfu þeir þá skýringu að þeir væru að vinna á staðnum. Þeim var gert að yfirgefa staðinn, sem þeir og gerðu.
Ein líkamsárás var kærð til lögreglu í vikunni sem leið en hún átti sér stað fyrir utan veitingastaðinn Prófastinn aðfaranótt 17. desember sl. Þarna höfðu átök brotist út á milli tveggja manna með þeim afleiðingum að annar þeirra rotaðist og var í framhaldi af því fluttur til Reykjavíkur í þyrlu Landhelgisgæslunnar. Í ljós kom við skoðun á sjúrkahúsi í Reykjavík að maðurinn var kinnbeinsbrotin. Málið er í rannsókn.
 
Einn ökumaður var stöðvaður í vikunni vegna gruns um að vera undir áhrifum áfengis við aksturinn. Hann var sviptur ökuréttindum á staðnum.
 
Lögreglu voru tilkynnt um tvö umferðaróhöpp í liðinni viku og áttu þau bæði sér stað þann 13. desember sl. Í öðru tilvikinu var um útafakstur og bílveltu að ræða á Höfðavegi við Steinstaði en þarna hafði ökumaðurinn misst stjórn á bifreiðinni með þeim afleiðingum að bifreiðin lenti útaf og valt. Við óhappið kveiknaði í bifreiðinni en þeir sem voru í bifreiðinni sluppu allir ómeiddir.
 
Hitt óhappið varð við verlsunina Krónuna þar sem bifreið var ekið inn um dyr verslunarinnar. Engin slys urðu á fólki í óhappinu.
 
Lögreglumenn í Vestmannaeyjum óska Vestmannaeyjingum og öðrum landsmönnum gleðilegrar jóla.
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.