Farinn að spá í að hætta

13.Desember'10 | 09:09
Knattspyrnumaðurinn Gunnar Heiðar Þorvaldsson fer ef að líkum lætur loksins fyrir fullt og allt frá danska úrvalsdeildarfélaginu Esbjerg þegar félagaskiptaglugginn verður opnaður í janúar.
Gunnar Heiðar hefur verið úti í kuldanum hjá liðinu að drjúgum hluta síðan hann kom til þess sumarið 2008, en var lánaður til Fredrikstad í Noregi í sumar og gekk þar vel. Hann átti sinn þátt í að koma Fredrikstad upp í úrvalsdeild, og vilja forráðamenn félagsins semja við kappann. Að sögn Ólafs Garðarssonar, umboðsmanns Gunnars, mun Esbjerg ekki standa í vegi fyrir því að Eyjamaðurinn fari, en samningur Gunnars við Esbjerg rennur út næsta sumar.
 
„Við erum að skoða nokkra kosti og það er ekkert sjálfgefið að Fredrikstad verði ofan á frekar en eitthvað annað. Við ætlum bara að skoða málin vel og ég vil skoða alla möguleika. Aðalmálið fyrir mig er að fá að spila nógu mikið því þá fer maður að skora mörk og svona,“ sagði Gunnar Heiðar sem var sáttur við veru sína hjá Fredrikstad sem blés hreinlega nýju lífi í knattspyrnuferil hans eftir erfið misseri. Hann lék svo sinn fyrsta landsleik í langan tíma þegar Ísland mætti Portúgal í október.
 
Frekari umfjöllun í Morgunblaðinu í dag

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.