Ingi Sigurðsson fékk verðlaunapeningin sinn 12 árum seinna

Gleði, tár og titlar var frumsýnd í kvöld

4.Desember'10 | 00:52

Í kvöld var frumsýnd myndin gleði, tár og titlar sem fjallar um knattspyrnulið ÍBV á árunum 1997-1998. Sighvatur Jónsson fréttamaður hefur síðasta árið unnið að myndinni ásamt mörgum góðum mönnum sem komu að liðinu á þessum árum. Ingi Sigurðsson leikmaður ÍBV á þessum árum fékk við tækifærið afhentan gullpening sem hann fékk aldrei eftir sigur ÍBV á Íslandsmeistaramótinu 1998.

ÍBV sigruðu KR í Frostaskjólinu í úrslitaleik um 1. sætið í deildinni 0-2. En Ingi Sigurðsson skoraði fyrra mark ÍBV en var svo borinn af velli meiddur og síðan haldið með Inga á upp á heilsugæslustöð og missti hann þar af leiðandi af verðlaunaafhendingunni. Ingi Sig fékk því aldrei gullpeninginn sinn en Jóhanness Ólafsson, fyrverandi formaður knattspyrnuráðs ÍBV og stjórnarmaður KSÍ afhenti Inga verðlaunapeninginn sinn í kvöld.

Heimildamyndin Gleði, tár og titlar skapar frábærar minningar frá þessum árum. Myndin sýnir frábæra tíma ÍBV í knattspyrnusögu Vestmannaeyinga og ættu allir Eyjamenn og ÍBV-arar að næla sér í myndina en hún er nú kominn í fulla sölu.