Óskiljanlegt að skipið hafi snúist

Leyst verði úr vanda Landeyjahafnar

18.Nóvember'10 | 17:33
Skipstjóri Herjólfs segir það óskiljanlegt að alda hafi snúið skipinu við innsiglingu Landeyjahafnar í gær. Siglingastofnun leggur til að breikka svokallaða innsiglingarrennu í höfninni.
Herjólfur sigldi tvær ferðir til Landeyjahafnar fyrir hádegi í gær eftir að nýja höfnin hafði verið ófær í um tvo daga. En sjaldan er ein báran stök í Landeyjahöfn. Í blíðskaparveðri og innan við tveggja metra ölduhæð lenti Ívar Gunnlaugsson skipstjóri í vandræðum við innsiglinguna um ellefuleytið í gær. Hann segist ekki hafa hugmynd um hvað hafi í raun gerst. Alda hafi komið undir skipið og á innan við tveimur mínútum hafi það snúist. Ívar greip til þess ráðs að bakka skipinu og rétta það af.
 
Ekki fór skipið þó alveg þversum í innsiglingunni. Ívar segir það hafa legið um 45 gráður á stefnuna inn í höfnina. Að hans mati var engin hætta á ferðum. Skipstjórinn segir vélarnar það öflugur að hægt sé að stoppa skipið mjög fljótt. Hann segir svipaðan atburð hafa átt sér stað við innsiglinguna 8. nóvember síðastliðinn.
 
Upptökur úr öryggismyndavélum hafa verið skoðaðar en þrjár myndavélar eru utandyra í Landeyjahöfn. Fulltrúar Eimskips, Vegagerðarinnar og Siglingastofnunar ræddu málið á fundi í gær. Þar komu fram hugmyndir Siglingastofnunnar um að dýpka frekar það svæði sem Herjólfur siglir inn um, að breikka svokallaða innsiglingarrennu. Málið verður áfram rætt á fundi eftir hádegið.
 
Á meðan siglir Herjólfur áfram til Þorlákshafnar. Guðmundur Pedersen, rekstrarstjóri ferjunnar, býst ekki við að siglt verði til Landeyjahafnar fyrr en seinnihluta laugardags. Hann segir að nú brjóti þvert fyrir innsiglinguna.
 
Lesa má hér einning af ruv.is: Leyst verði úr vanda Landeyjahafnar

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).