Ian Jeffs genginn til liðs við ÍBV

12.Nóvember'10 | 14:37
Bretinn knái Ian Jeffs er genginn til liðs við ÍBV á ný en skrifað verður undir samning þess eðlis klukkan 17:00 í dag. Jeffs sem spilað hefur með Val síðastliðin tvö tímabil en samningur hans við Val rann út í haust og var honum því frjálst að ræða við Eyjamenn.
 
 
Eyjamenn eru alls ekki ókunnugir Jeffs því að hann byrjaði feril sinn á Íslandi hjá þeim árið 2003 er hann kom til þeirra frá Crewe í Englandi þar sem hann er uppalinn.
 
Spilaði hann með þeim í þrjú tímabil eða til ársins 2006 er hann var seldur til Örebrö í Svíþjóð. Þar gekk honum vel fyrra tímabilið sitt sem hann var þar, en lenti í því á seinna tímabilinu að þjálfarinn sem þá var setti hann út úr liðinu og lét son sinn spila í staðinn.
 
Því fór Jeffs aftur til ÍBV og spilaði með þeim á lánssamning sumarið 2007. En í byrjun árs 2008 gekk hann til liðs við Fylki og spilaði með þeim þá um sumarið en um haustið það ár skrifaði hann undir samning við Val og spilaði með þeim eins og fyrr segir síðustu tvö tímabil.
 
Því er kannski óhætt að segja að Jeffs sé kominn ,,heim" til Eyja en hann kemur til með að skrifa undir eins árs samning. Jeffs er mikill liðsstyrkur fyrir Eyjamenn sem komu eins og allir vita mjög á óvart í Pepsi-deildinni í sumar og lentu í þriðja sæti og koma því til með að spila í Evrópukeppni næsta sumar.
 
 

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.