Guðmundur Þórarins skoraði í sínum fyrsta leik með ÍBV

Viðtal við Guðmund fylgir frétt

6.Nóvember'10 | 12:39
ÍBV spilaði sinn fyrsta æfingaleik fyrir komandi tímabil í morgun gegn HK í Kórnum Kópavogi. ÍBV sigraði leikinn örugglega 4-2. Nýjasti leikmaður ÍBV Guðmundur Þórarins skoraði í sínum fyrsta leik með ÍBV en hann skrifaði undir í gærkvöldi. 
Gauti Þorvarðarson skoraði tvö mörk fyrir ÍBV í dag, Guðmundur Þórarins opnaði markareikninginn sinn fyrir ÍBV og skoraði, ásamt Arnóri Eyvari sem skoraði eitt mark fyrir ÍBV í dag.
 
,Mér fannst bara vera kominn tími á nýja áskorun og að prófa eitthvað nýtt. Ég fann mig kannski ekki alveg hjá Selfossi og ákvað að söðla um," sagði Guðmundur Þórarinsson við sjónvarp Fótbolta.net en hann gekk í kvöld í raðir ÍBV. En er erfitt að yfirgefa uppeldisfélagið, Selfoss?

,,Já, það er alltaf erfitt en mér fannst kominn tími á það. Ég held ég sé búinn að taka rétta ákvörðun með því að fara til ÍBV. Stundum þarf maður að prófa eitthvað nýtt og ég held að ÍBV sé rétti staðurinn í það," bætti hann við.

Guðmundur sagðist ekki hafa fundið sig hjá Selfossi en hann vakti þrátt fyrir það athygli fyrir góða frammistöðu í liðinu.

,,Já, en ég náði samt ekki alveg að springa út að mínu mati. Ég á vonandi meira inni og held ég geti sýnt það í eyjum," bætti hann við en það er stutt á milli Selfoss og Vestmannaeyja.

,,Já nákvæmlega, ég tala nú ekki um þegar Herjólfur er kominn í bakka. Það er stutt heim og mamma og pabbi mæta örugglega á leiki svo það er áfram sami stuðningurinn. Það skiptir líka miklu máli fyrir mig að prófa eitthvað nýtt og standa aðeins á eigin fótum því mamma og pabbi hafa hugsað um mig sem litla engilinn þeirra í 18 ár. Ég held það verði bara góð tilbreyting."

ÍBV var eitt af bestu liðum deildarinnar í sumar svo ljóst er að þar þarf Guðmundur að berjast við meiri samkeppni en hjá Selfossi.

,,Jú, að sjálfsögðu. Við erum með frábæran mannskap og ég er ekki í nokkrum vafa um að við verðum flottir í sumar ef við stillum hausinn rétt á. Að sjálfsögðu er erfitt fyrir mig að komast í liðið en ég þarf bara að sýna að ég hef hæfileika í það. Það er þessi áskorun sem ég er að tala um, að sýna það."

Fréttin í heild og viðtalið má sjá hér: http://fotbolti.net/fullStory.php?action=viewStory&id=99734#ixzz14XIJJvO9
 
 
 
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.