Saga Útvegsbænda í Eyjum

Útvegsbændafélagið í Eyjum 90 ára í dag

20.Október'10 | 15:38
Út er komin bókin „Saga Útvegsbændafélags Vestmannaeyja 1920 – 2010“. Eins og nafnið bendir til er þetta saga Útvegsbændafélagsins í Eyjum en það var stofnað 20. október 1920 og fagnar félagið því 90 ára afmæli um þessar mundir.
 
Aðalhöfundur er Sigurgeir Jónsson en auk hans sá Benedikt Gestsson, blaðamaður, um að taka allmörg viðtöl sem birtast í bókinni.
  Í bókinni er rakin saga útgerðar í Vestmannaeyjum, allt frá upphafi vega og fram til okkar daga en hvað mest fjallað um síðustu öld og upphaf þessarar aldar, auk þess sem sérstakir þættir eru í bókinni sem fjalla um fyrirbrigði eins og Pallakrærnar í Vestmannaeyjum, landhelgisveiðarnar á seinnihluta síðustu aldar og samskipti útgerðarmanna og skipverja vegna peningamála. Þá eru öllum þeim gerð skil sem setið hafa í stjórn félagsins, bæði með stuttu æviágripi sem og sögum af viðkomandi og ljóðmælum er þeim tengjast.
  Bókin er tæpar 200 bls. í stóru broti, prýdd fjölda ljósmynda og tæplega 800 manns eru nafngreindir í henni. Oddi hf. sá um prentun og bókband, Prentsmiðjan Eyrún Vestmannaeyjum um uppsetningu og Sæþór Vídó hannaði kápu bókarinnar. Útgefandi er Útvegsbændafélag Vestmannaeyja sem jafnframt sér um sölu og dreifingu á bókinni. Er hægt að hafa samband við Hafdísi í síma 481-1330 og 696-7059 vegna þess en einnig verður bókin til sölu hjá Eymundsson og Oddinum í Vestmannaeyjum.
 
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.