63 fíkniefnamál í Eyjum á árinu

42 allt árið í fyrra

18.Október'10 | 18:47

amfetamín

Lögreglan hafði í ýmsu að snúast í vikunni sem leið við hin ýmsu verkefni. Frekar rólegt var í kringum skemmtistaði bæjarins og engin alvarleg mál sem upp komu. Eitthvað var um kvartanir vegna hávaða í heimahúsum en þau mál leystust án teljandi vandkvæða.
Að morgni 17. október sl. hafði lögreglan afskipti af aðila vegna gruns um að hann væri með fíkniefni meðferðist. Við leit á manninum fannst ætlað kókaín og við leit í bifreið mannsins fannst smáræði af kannabisefnum. Maðurinn, sem er um tvítugt, viðurkenndi að eiga efnin og telst málið upplýst.
 
Alls hafa komið upp 63 fíkniefnamál hér í Eyjum á árinu, þar af 38 á Þjóðhátíðinni, á móti 42 allt árið í fyrra.
 
Einn ökumaður var stöðvaður vegna gruns um akstur undir áhrifum ávana- og fíkniefna í vikunni. Við leit í bifreið mannsins fundust áhöld til neyslu fíkniefna og smáræði af kannabisefnum.
 
Þess ber að geta að alls hafa 22 ökumenn verið stöðvaðir hér í Vestmannaeyjum vegna gruns um akstur undir ávana- og fíkniefnum, en á síðasta ári voru þeir 8.
 
Þann 11. október sl. var lögreglu tilkynnt um að málað hafi verið yfir rúður að Hásteinsvegi 43 þar sem útsölumarkaður Flamingo er til húsa. Ekki er vitað hver eða hverjir þarna voru að verki en þeir sem einhverjar upplýsingar hafa eru vinsamlegast beðnir um að hafa samband við lögreglu.
 
Að morgni 18. október sl. var lögreglu tilkynnt um skemmdir á Skansinum en búið var að brjóta alla ljósakúpla af ljósum sem þar eru, alls 11 kúplar. Er talið að skemmdirnar hafi verið unnar að kvöldi 17. október eða aðfaranótt 18. október. Engar upplýsingar liggja fyrir um hverjir þarna voru að verki en þeir sem hafa einhverjar upplýsingar um það eru hvattir til að hafa samband við lögreglu.
 
Eitt umferðaróhapp var tilkynnt lögreglu í vikunni sem leið en um minniháttar óhapp var að ræða og engin slys á fólki.
 
Lögreglan vill beina því til ökumanna að nota stefnuljósin, en það virðist eitthvað vefjast fyrir sumun að nota þennan sjálfsagða hlut til að liðka fyrir umferð. Rétt notkun stefnuljósa skiptir líka máli, þau eru ekki til að sýna hvað þú ert að gera heldur hvað þú ætlar að gera. Gefið því stefnuljós tímalega.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.