350 milljónir í Landeyjahöfn

15.Október'10 | 21:24
Samgönguráðuneytið óskar eftir því í frumvarpi til fjaraukalaga fyrir þetta ár, að  fjárheimildir til framkvæmda við Landeyjahöfn verði auknar um 350,5 milljónir króna.
Fram kemur í frumvarpinu, sem lagt var fram á Alþingi í dag, að frá því höfnin var tekin í notkun í júlí á þessu ári hafi verið erfiðleikum bundið að halda henni opinni vegna sandburðar. Ástæður þessa séu í meginatriðum af tvennum toga, þ.e. mikið magn gosefna frá gosinu í Eyjafjallajökli og óhagstæðar og óvenjulegar ölduáttir.
 
Til að geta haldið höfninni opinni í vetur sé talið nauðsynlegt að útvega öflugra sanddæluskip sem geti unnið við meiri ölduhæð en Perlan, sem notast hefur verið við hingað til en það skip getur ekki athafnað sig í meiri ölduhæð en 1 metra. Áætlanir Siglingastofnunar Íslands gera ráð fyrir að það kosti 30 milljónir króna á mánuði að leigja slíkt skip sem geti dýpkað 15 daga í hverjum mánuði á tímabilinu frá nóvember 2010 og fram í apríl 2011.
 
Þá segir í fjáraukalagafrumvarpinu, að áætlanir fjárlaga 2010 um kostnað við hafnargerðina og aðstöðu við hana hafi gert ráð fyrir nokkuð hagstæðari tilboðum í verkhluta en reyndin varð svo taka mætti höfnina í notkun á árinu. Framkvæmdakostnaður við að koma höfninni í gagnið í júlí á þessu ári varð því um 150 milljónum króna meiri en gert hafði verið ráð fyrir.
 
Þá kemur fram, að ýmiss kostnaður, sem hlotist hefur vegna eldgoss í Eyjafjallajökli í apríl, nemi rúmum 10 milljónum króna. Rýma varð vinnusvæðið nokkrum sinnum og við það féll niður vinna við höfnina og framkvæmdir töfðust. Eitthvað af grjóti og fyllingarefni, sem var á lager verktakans við Markarfljót, tapaðist og þá var ráðist í að dýptarmæla svæðið undan ósi Markarfljóts til að kanna framburð í flóði sem varð í vegna gossins.
 
Þá kemur fram, að í kjölfar eldgosanna í Eyjafjallajökli og á Fimmvörðuhálsi var skipaður samráðshópur ráðuneytisstjóra fimm ráðuneyta til að leggja mat á kostnað þeirra aðila sem komu að aðstoð meðan á eldsumbrotunum stóð og þeirra sem komið hafa að uppbyggingu í kjölfar hamfaranna.
 
Samtals er metið að heildarkostnaður þeirra aðila sem að málum hafa komið sé 800,7 milljónir króna og er hlutur Landeyjahafnar í þessum verkefnum metinn 10 milljónir króna.
 
www.mbl.is sagði frá.
 

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.