Bergvin Oddsson býður sig fram

8.Október'10 | 13:28

Beggi

Bergvin Oddsson, 24 ára Vestmannaeyingur sem búsettur er á Akureyri, býður sig fram til stjórnlagaþings sem kosið verður til 27. nóvember næstkomandi. Hann gefur gefur kost á sér í 2. - 5. sæti.
Bergvin hefur áhuga á mannréttindakafla stjórnarskrárinnar, að því er fram kemur í tilkynningu um framboð hans. Hann er blindur og þekkir vel til málaflokksins, bæði af eigin reynslu og vegna starfa sinna hjá Blindrafélaginu og Félagi langveikra ungmenna.
 
Bergvin vill að mannréttindakaflinn verði fyrsti kaflinn í nýju stjórnarskránni.
 
Einnig ætlar Bergvin að beita sér fyrir því að ráðherraábyrgð verði lengd úr þremur árum í átta. Að auki vill hann beita sér fyrir því að Ísland verði eitt kjördæmi.
 
Bergvin telur vel koma til greina að leggja niður embætti forseta Íslands.
 
Hver er Bergvin Oddsson
 
Bergvin Oddsson er fæddur í Vestmanneyjum á árinu 1986. Þar sleit hann barnsskónum en fluttist í höfuðborgina og hóf nám í Menntaskólanum við Hamrahlíð haustið 2002. Þaðan lauk hann stúdentsprófi vorið 2008.
 
Hann var í forsvari fyrir ungmennadeild Blindrafélagsins á árum áður, ásamt því að sitja í stjórn Blindrafélagsins. Á menntaskólaárunum vann Bergvin fyrir sér með því að þeytast um landið og skemmta Íslendingum til sjávar og sveita, með sínum svarta blindrahúmor. Hann rak vínheildsölu um tíma.
 
Bergvin hefur gefið frá sér tvær bækur, önnur þeirra er unglingaskáldsaga og hin er reynslusaga hans af því að eiga von á barni og bera ábyrgð á ósjálfbjarga einstaklingi.
 
Bergvin hefur verið virkur í flokkstarfi Samfylkingarinnar, verið í flokkstjórn og framkvæmdarstjórn á síðastliðnum árum.
 
Bergvin er í sambúð með Fanný Rósu Bjarnadóttur hjúkrunarfræðinema, og eiga þau soninn Odd Bjarna.
 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.