Hætt að taka á móti börnum í Eyjum

5.Október'10 | 21:01
Hætt verður að taka á móti börnum í Vestmannaeyjum, gangi niðurskurðaráform eftir og nýir Eyjamenn fæðast þá uppi á fastalandi. Ljósmóðir segir hættuástand geta skapast, enda séu samgöngur á milli lands og eyja oft erfiðar.
Samkvæmt fjárlagafrumvarpi fær Heilbrigðisstofnunin Vestmannaeyjum 512 milljónir króna, sem er 160 milljónum minna en í fyrra. Skera á niður um tæp 24 prósent. Til að mæta þessu þarf að loka skurðstofu, hætta fæðingarþjónustu og segja upp allt að 30 starfsmönnum, að mati framkvæmdastjóra stofnunarinnar Gunnars K. Gunarssonar. „Við teljum að þetta sé í raun og veru hluti af grunnþjónustu hér í Vestmannaeyjum og það megi ekkert af þessari þjónustu missa sín,“ segir Gunnar.
 
Mestur er niðurskurðurinn á sjúkrasviði, rúmlega 35 prósent. Meðal hugmynda frá ráðuneyti heilbrigðismála er að fækka sjúkrarúmum úr 19 í 13. Framkvæmdastjóri heilbrigðisstofnunarinnar gerir athugasemdir við þá útreikninga og segir fækkun rúma hafa óveruleg áhrif á fastakostnað.
 
Samanburður heilbrigðisstofnana í svipuðum stærðarflokki sýnir að minnstur er kostnaðurinn á hvert sjúkrarúm í Vestmannaeyjum, rúmar 59.000 krónur á dag. Kostnaðurinn er litlu hærri á Ísafirði en nær 70.000 krónum á dag á Norður- og Austurlandi. Til samanburðar eru dýrustu sjúkrarúmin á Landspítalanum í Reykjavík, þar sem hver dagur kostar tæpar 118.000 krónur.
 
Björg Pálsdóttir, ljósmóðir, óttast að vegna erfiðra samgangna geti hættuástand skapast. Hún vísar til atviks í síðustu viku þar sem ekki var hægt að fljúga svæfingarlækni til að aðstoða konu í fæðingu. Eftir tólf tíma bið hafi loks verið hægt að fljúga með þyrlu til Eyja, þá hafi konan verið búin að fæða.
 
Bæjarráð Vestmannaeyja fordæmir hugmyndir um niðurskurð og ætlar að óska eftir öryggisúttekt frá landlækni í ljósi landfræðilegrar sérstöðu eyjanna.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is