Fyrsti dagur Jórunar á þingi ekki beint skemmtilegur

Birkir á flótta framhjá óléttri þingkonu - segir á DV.is

4.Október'10 | 14:50
Birki Jóni Jónssyni, þingmanni Framsóknarflokksins, var mikið í mun að forða sér undan eggjakasti mótmælenda eftir guðsþjónustu í Dómkirkjunni fyrir þingsetningu á föstudag. Svo mikill var hraðinn á honum að hann virðist stugga við Jórunni Einarsdóttir, óléttri varaþingkonu Vinstri grænna í hita augnabliksins.
Í myndbandi af mótmælunum, sem birtist á vef RÚV, má sjá þegar þingmenn ganga úr Dómkirkjunni og eggjum og öðru lauslegu tekur að rigna yfir hópinn. Fæstum virðist þó liggja meira á en þingmönnum Framsóknarflokksins, þeim Sigmundi Davíð Gunnlaugssyni, formanni flokksins, og Birki Jóni Jónssyni.
 
Þeir hlaupa eins og fætur toga úr Dómkirkjunni en eins og sjá má á myndbandinu, sem nálgast má hér að neðan, er engu líkara en að Birkir rekist í Jórunni Einarsdóttur, varaþingkonu VG, á hlaupum sínum. Jórunn er varaþingkona Atla Gíslasonar og var viðstödd þingsetninguna. Hún er einnig ólétt.
 
Aðspurð um atvikið vildi Jórunn þó sem minnst gera því. „Ég varð ekki vör við að það hefði einhver stjakað við mér,“ sagði hún en vildi að öðru leyti ekki tjá sig frekar um atvikið.
 
Á myndbandinu á vef RÚV byrja lætin sem um ræðir þegar 2:50 mínútur eru liðnar af myndskeiðinu. Eftir 2:57 byrja Framsóknarmenn að hlaupa. Dæmi nú hver fyrir sig.
 

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.