Heimir ætlar að hugsa sín mál í viku

29.September'10 | 19:40

ÍBV Heimir Hallgrímsson

Heimir Hallgrímsson náði frábærum árangri með lið ÍBV í sumar og var grátlega nálægt því að vinna Íslandsmeistaratitilinn. Þar sem Breiðablik náði ekki að vinna Stjörnuna hefði sigur hjá ÍBV gegn Keflavík fært þeim Íslandsmeistaratitilinn. ÍBV tapaði þeim leik og missti þar með af gullnu tækifæri.
"Hver hefði trúað því að þegar korter var eftir af Íslandsmótinu var ÍBV í möguleika á að verða meistari? Ég er að jafna mig rólega eftir lætin um helgina en það hefði verið betra ef Blikarnir hefðu unnið sinn leik. Þá hefði maður ekki getað velt sér upp úr neinu," sagði Heimir.
 
Samningur hans við ÍBV er búinn og menn velta nú vöngum yfir því hvort hann verði áfram með liðið.
 
"Ég bað um að fá hvíld í vikutíma áður en við ræðum framhaldið. Þeir gáfu mér þá viku. Ég ætla því aðeins að anda áður en ég spái í hvort ég vilji halda áfram," sagði Heimir sem segir það ekki vera auðvelt starf að vera þjálfari í Eyjum.
 
"Ég er með fyrirtæki og fjölskyldu sem þarf að sinna. Það er tímafrekt starf að vera þjálfari í Eyjum. Við þurfum að fara burt í heila helgi til þess að spila æfingaleiki. Þetta er ekki eins og í bænum þar sem menn keyra í leik og svo heim aftur. Það þarf því að huga að ýmsu í þessum efnum."
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.