Hverri lundapysju tekið fagnandi

3.September'10 | 10:48

pysja lundapysja

Núna er sá tími árs þar sem krakkar eru vanir í Vestmannaeyjum að fara út að bjarga lundapysjum. Undanfarinn ár hefur verið mjög lítið af lundapysjum á ferð, má rekja það til að stofn lundans hefur hrunið. Nú má ekki lengur sjá foreldra fara með börnin sín á rúntinn með vasaljós og kassa. Fréttir bráust af því nýlega að fyrsta lundapysjan hafi fundist í Eyjum. Frétta vefurinn visir.is birtir grein á vefsíðu sinni að hverri lundapysju sé tekið fagnandi sem má lesa nánar í frétt.
Útlit er fyrir að mjög fáar lundapysjur komist á legg í Vestmannaeyjum í sumar. Egg hafa ýmist verið afrækt eða pysjurnar drepist fljótlega eftir klak í öllum þeim holum sem Náttúrustofa Suðurlands fylgdist með í sumar.
 
Varpárangurinn í Vestmannaeyjum hefur verið slæmur undanfarin ár en aldrei sem nú. Lundaveiði var leyfð í fimm daga í Vestmannaeyjum í ár en lítið var veitt. Varpstofn Vestmannaeyja 2010 er talinn vera um 860 þúsund pör.
 
Ein og ein lundapysja hefur hins vegar skilað sér niður í Vestmannaeyjabæ þessa dagana og má segja að hverri þeirra sé tekið fagnandi.
 
Þau Indiana Guðný Kristinsdóttir og Sigþór Yngvi Kristinsson fundu pysju þar sem Lifrar­samlagið stóð áður. Þau fóru með pysjuna í vigtun og mælingu á Náttúrustofuna og slepptu henni síðan.
 
Indiana segir að í sumar hafi hún og vinir hennar aðeins fundið þessa einu pysju, sem þó var vel haldin og virtist hafa haft nóg að éta. „Í fyrra fundum við miklu fleiri, eitt kvöldið fundum við fimmtán eða tuttugu. Áður fundum við kannski fjörutíu eða fimmtíu á einu kvöldi," segir Indiana.
 
Nóg er af fýlsungum á ferð í Vestmannaeyjum og hafa krakkarnir verið duglegir að bjarga þeim. Það er þó ekki talið eins skemmtilegt þar sem fýlsunginn spýtir frá sér ælu sem hann notar í varnarskyni.
 
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is