Vestmannaeyjabær fær aðvörun frá Eftirlitsnefnd með fjármálum sveitafélaga

2.September'10 | 15:50

Vestmannaeyjar Vestmannaeyjabær

Eftirlitsnefnd með fjármálum sveitarfélaga hefur sent 12 sveitarfélögum aðvörun vegna skuldsetningar og/eða slæmrar rekstrarafkomu og óskað eftir upplýsingum um hvernig sveitarstjórn hyggst bregðast við fjárhagsvanda sveitarfélagsins.
 
Samkvæmt ársreikningum sveitarfélaganna eru 22 sveitarfélög með skuldir umfram viðmiðun eftirlitsnefndar í A hluta reikningsskilanna, þ.e. 150% af heildartekjum, en 30 sveitarfélög þegar litið er á bæði A og B hluta. Peningaleg staða þessara sveitarfélaga er þó mjög misjöfn vegna peningalegra eigna sem kunna að nýtast á móti skuldum. Á árinu 2009 var rekstrartap á A hluta hjá 38 sveitarfélögum, að því er fram kemur á vef samgönguráðuneytisins.
 
Staðan verst hjá Álftanesi en Reykjanesbær er næstur í röðinni
 
Sveitarfélagið Álftanes er eins og kunnugt er í meðförum sérstakrar fjárhaldsstjórnar og því sendir Eftirlitsnefndin ekki sveitarfélaginu sérstaka aðvörun vegna fjárhagsstöðu þess. Niðurstaða ársreiknings 2009 hjá Sveitarfélaginu Álftanesi, sýndi að skuldir og skuldbindingar sem hlutfall af heildartekjum námu 518% og framlegð sem hlutfall af heildartekjum nam -0,3%.
 
Á næstu dögum mun Eftirlitsnefndin senda um 10 öðrum sveitarfélögum aðvörun og óska eftir upplýsingum um aðgerðir til að draga úr skuldsetningu og til að bæta rekstrarafkomu. Eru það sveitarfélög þar sem skuldir og skuldbindingar sem hlutfall af heildartekjum er á bilinu 150-200%.
 
Sveitarfélögin tólf sem þegar hafa fengið aðvörun eru (raðað eftir skuldaröð) Reykjanesbær, Sveitarfélagið Vogar, Sandgerðisbær, Fjarðabyggð, Grundarfjarðarbær, Hafnarfjörður, Fljótsdalshérað, Kópavogsbær, Vestmannaeyjabær, Djúpavogshreppur, Sveitarfélagið Árborg og Stykkishólmsbær.
 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).