Einstakt tækifæri vísindamanna:

Fá kafbát milljarðamærings til að kafa við Surtsey og rannsaka

12.Ágúst'10 | 19:31
Leyfi hefur fengist fyrir rannsóknum íslenskra vísindamanna við Surtsey og munu tæki Paul Allen vera notuð til þess að kafa að eyjunni. Hann hefur með sér tvo kafbáta, einn tíu manna og einn sem er fjarstýrður.
Lovísa Ásbjörnsdóttir, Starfsmaður Umhverfisstofnunar í Vestmannaeyjum og sérfræðingur friðlands Surtseyja, segir í samtali við Pressuna að íslenskir vísindamenn hafi fengið leyfi til þess að kafa að Surtsey.
 
Paul Allen, auðkýfingur og annar stofnenda Microsoft, hefur boðið vísindamönnum að nýta tækjabúnað sinn til rannsókna við Surtsey. Snekkja hans, Octopus, hefur vakið mikla athygli hér á landi en hún hefur meðal annars komið við í Reykjavíkurhöfn.
Um verkefnið segir Lovísa:
 
„Þetta er einstakt tækifæri til þess að kafa mun dýpra við Surtsey en áður hefur verið gert. Þetta er í raun einstakt tækifæri fyrir íslenska vísindamenn sem fá að nýta sér tæki Paul Allen.“
 
Lovísa segir að skilyrði séu sett með leyfunum og vandlega hafi verið gengið úr skugga um að lífríki Surtseyjar verði ekki raskað.
 
Aðspurð um tækjabúnað Paul Allen segir Lovísa:
 
„Hann er með tvo kafbáta, annan tíu manna og hinn fjarstýrðan. Ég veit ekki hvor báturinn verður notaður. Leyfi hefur verið fengið til tveggja daga rannsókna. Bæði ljósmyndir og myndbönd verða tekin af Surtsey neðansjávar.“
 
Um það hvort Paul Allen verði um borð í kafbátnum segir Lovísa:
 
„Það getur í sjálfu sér verið að hann fái að vera um borð en hann verður algert aukaatriði. Íslendingar hafa hingað til aðeins geta kafað á þrjátíu til fjörtíu metra dýpi að Surtsey. Með kafbátnum er hægt að komast að hafsbotni þó vel verði gætt að því að setlög þyrlist ekki upp.“
 
Lovísa segir að rannsóknargögnin verði opinber og hægt verði að nálgast þau bæði hjá Hafrannsóknarstofnun og Náttúrufræðistofnun Íslands.
 
 
 
 
 
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.