Tökur á Djúpinu hafnar í Eyjum

10.Ágúst'10 | 01:05
Tökur kvikmyndarinnar Djúpið eftir Baltasar Kormák hófust í Vestmannaeyjum í dag. Kvikmyndin er byggð á atburðum í tengslum við Helliseyjarslysið 11. mars 1984. Þá fórust fjórir menn en einn komst lífst af með því að synda í land eftir að vélbáturinn Hellisey VE 503 sökk um fimm kílómetra austur af Heimaey. Kvikmyndin er byggð á samnefndu leikriti Jóns Atla Jónassonar.
Fjölmiðlar fluttu fréttir af bátnum Stormi Breka, sem er notaður við tökur myndarinnar, eftir að leki kom að honum á siglingu til Eyja síðstliðinn laugardag. 70 tonna eikarbáturinn komst að lokum til Eyja þar sem hann hefur verið vaxborinn til að líkja eftir ísingu á kaldri vetrarnóttu.
 
Tökur myndarinnar fara fram í Vestmannaeyjum til 20. ágúst næstkomandi. Á þeim tíma á að mynda atriði sem ýmist gerast að sumarlagi eða að vetri til. Eftir að tökum lýkur á sumaratriðum þarf því að koma gervisnjó og klaka fyrir á tökustað.
 
Einnig þarf að mynda tvö mismunandi tímabil. Myndin gerist árið 1984 en mörg atriðanna eru endurminningar sjómannsins sem bjargaðist. Atriðin sem fjalla um æsku hans í Heimaeyjargosinu árið 1973 eru tekin upp á sams konar filmu og fréttamyndir frá þeim tíma. Til að endurskapa tímabilið verður vikri komið fyrir á húsþökum og í götum. Einnig er notast við bifreiðar frá þessum tíma.
 
Í nokkrum atriðum þurfa leikarar að synda í sjó og fara tökur fram í ágústmánuði með tilliti til þess að þá er sjávarhiti við landið hvað hæstur. Bátnum Stormi Breka verður sökkt til að endurskapa sjálft slysið þegar Hellisey hvolfdi. Það verður þó ekki gert í Vestmannaeyjum heldur í Helguvík.
 
 
 

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%