Vilja 1,7 milljónir fyrir afnot af varahöfn

3.Ágúst'10 | 13:11

þorlákshöfn, Herjólfur

Fulltrúar Þorlákshafnar krefjast ríflega 1,7 milljóna króna á mánuði í hafnar- og þjónustugjöld fyrir afnot af Þorlákshöfn sem varahöfn fyrir Herjólf. Upphæðin er sú sama og innt var af hendi þegar Þorlákshöfn sá alfarið um flutninga milli lands og eyja.
Hafnarstjóri Þorlákshafnar, fulltrúi í stjórn Þorlákshafnar og fulltrúar frá Vegagerðinni funduðu síðast um málið í apríl. Í samtali við fréttastofu segir Kristínar H. Sigurbjörnsdóttur, framkvæmdarstjóra stjórnsýslusviðs, að fulltrúar Þorlákshafnar hafi sett fram kröfu á fundinum, um að greidd yrði tæplega ein milljón og sjöhundruð þúsund krónur á mánuði í hafnar- og þjónustugjöld fyrir afnot af Þorlákshöfn sem varahöfn milli lands og eyja - sem er sama upphæð og innt var af hendi þegar Þorlákshöfn sá alfarið um flutninga milli lands og eyja. Kristín segir hafnarstjóra og fulltrúa stjórnar Þorlákshafnar hafa verið spurðir oftar en einu sinni á fundinum hvort þeir væru tilbúnir að lækka hafnar- og þjónustugjöld. Svarið hafi verið þvert nei, þar sem það kostaði svo mikið að halda við höfninni. Þó sögðust þeir kannski vera tilbúnir að lækka verðið, það er, ef langtímasamningur yrði gerður sem spannaði lengri tíma en sex mánuði.
Kristín segir því hafi ekki verið svarað um hversu langan tíma væri að ræða, né um hversu mikla lækkun. Tæplega viku síðar sendu fulltrúar Vegagerðarinnar bréf til hafnarstjóra Þorlákshafnar, þar sem kom meðal annars fram að Vegagerðin hefði ekki fjármagn til að greiða slíka upphæð á mánuði - til viðbótar við annan kostnað sem fylgdi styrktum ferjusiglingum til Vestmannaeyja - sérstaklega í ljósi þess að áætlanir geri ráð fyrir að höfnin verði notuð í fimm prósent tilvika. Því hafi Vegagerðin ekki séð annan kost í stöðunni en að segja upp samningnum frá og með fyrsta september næstkomandi. Kristín segir að síðan þá hafi ekki verið fundað eða rætt um málið frekar - samningar losni því um næstu mánaðarmót.
 
Fréttastofa hafði samband við Indriða Kristinsson, hafnarstjóra í Þorlákshöfn vegna þessa. Hann sagði að fundað yrði um málið í hafnarstjórn næstkomandi fimmtudag - þá yrði þetta tekið til skoðunar og ákvörðun tekin um framhaldið.
 
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is