Stefnir í fleiri fíkniefnmál

1.Ágúst'10 | 13:16
32 fíkniefnamál hafa komið upp á þjóðhátíðinni í Vestmannaeyjum það sem af er. Lögregla segir fjölda mála nú svipaðan og yfir alla hátíðina í fyrra.
Hjá lögreglu og heilsugæslu eru menn sammála um að nóttin í Vestmannaeyjum hafi verið rólegri en fyrri nætur þjóðhátíðarinnar. Læknar og hjúkrunarfólk sinna helst fótameiðslum og einstaka beinbrotum. Þrír gistu fangageymslur í nótt, þar af tveir vegna tveggja líkamsárása. Í öðru tilvikinu var maður sleginn með flösku í höfuðið, hann hlaut þó ekki alvarleg meiðsl.
 
Lögregla segir fjölda fíkniefnamála nálgast það sem kom upp á hátíðinni í fyrra. Í nótt fundust 40 grömm af amfetamíni í einu tilviki og þá fundust 8 grömm af sama efni við húsleit í bænum. Lagt hefur verið hald á um 250 grömm af fíkniefnum á hátíðinni til þessa, mest af amfetamíni.
 
Heildarfjöldi gesta er talinn vera tæplega sextán þúsund. Um fimmtán hundruð manns eiga pantað með Herjólfi og flugi í til Eyja í dag. Grannt er fylgst með mannfjöldanum í ljósi þess hvort bæta þurfi við tjaldstæðum. Enn hefur ekki verið talin þörf á því.
 
Hápunktur þjóðhátíðarinnar er brekkusöngurinn sem Árni Johnsen leiðir. Í kvöld mun Árni í fyrsta sinn njóta aðstoðar frá öðrum en brekkukórnum. Tveir kunnir trúbadorar úr Eyjahljómsveitinni Tríkot verða með honum á brekkusviðinu. Rás 2 sendir út tónleika þjóðhátíðarinnar í kvöld frá klukkan níu til eitt eftir miðnættið.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.