Þjóðhátíð Vestmannaeyja formlega sett í dag

Sex fíkniefnamál komu upp í gærkvöldi

30.Júlí'10 | 12:05
Mikill fjöldi gesta eru nú þegar mættir á þjóðhátíð Vestmannaeyja og í gærkvöldi áætlar lögregla að á sjöunda þúsund manns hafi verið komnir til Eyja og stöðugt hafi bæst við í nótt og morgun.
Töluverður erill var hjá lögreglunni í Vestmannaeyjum sl. nótt. Sex fíkniefnamál komu upp í gærkvöldi og í nótt, í einu málinu voru haldlögð 8 grömm af nokkuð hreinu amfetamíni. Í hinum málunum var um að ræða minni skammta af kannabis og amfetamíni.
 
Þrír voru kærðir fyrir líkamsárásir og gistu þeir fangageymslu. Í einu tilfellinu nefbrotnaði aðili og í öðru hlaut dyravörður á „Húkkaraballinu“ skurð eftir að gestur sló hann. Undir morgun voru fangageymslur lögreglunnar í Vestmannaeyjum fullar. Þá voru tveir ökumenn kærðir fyrir akstur undir áhrifum fíkniefna og var annar einnig undir áhrifum áfengis og að auki hafði hann verið sviptur ökuréttindum.
 
Í dag kl. 14:30 verður hátíðin sett og í dag halda gestir áfram að streyma til Eyja. Á áætlun Flugfélag Íslands eru 13 ferðir og þá verður loftbrú frá Bakkaflugvelli til Eyja. Herjólfur mun fara sjö ferðir framá næstu nótt og er fullbókað í allar ferðir, nema í ferð sem fer kl. 03:00 næstu nótt frá Landeyjahöfn.
 
Lögreglan vill hvetja foreldra til að brýna fyrir börnum sínum þeim hættur sem leynst geta á útihátíðum og telur að ungmenni yngri en 18 ára eigi þangað ekkert erindi nema í fylgd með fullorðnum. Á hátíðarsvæðinu verða starfsmenn félagsþjónustu Vestmannaeyjabæjar með vakt til grípa inní eða aðstoða ef ungmenni undir lögaldri eru á vergangi á hátíðinni.
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.