ÍBV á miklu flugi

Umfjöllun af visir.is

17.Júlí'10 | 17:42
ÍBV komst aftur á topp Pepsí-deildar karla og hefndi í leiðinni fyrir 2-0 tap á Laugardalsvellinum í fyrstu umferð með 1-0 sigur á litlausu liði Framara.
 
Eyjamenn voru án fyrirliðans Andra Ólafs, James Hurst og Denis Sytnik.
Fyrri hálfleikur var ansi opinn og fjörugur en þar áttu bæði lið nokkur góð færi, fyrsta góða færið kom þegar Matt Garner átti flotta fyrirgjöf, beint á kollinn á Ásgeiri Aron sem var einn og óvaldaður en skallaði boltann framhjá markinu.
 
Aðeins mínútu síðar slapp Almarr Ormarsson einn í gegn eftir stungusendingu frá Jóni Gunnari Eysteinsyni, Almarr átti í erfiðleikum með að leggja boltann fyrir sig og endaði með að skjóta beint á Albert Sævarson í marki ÍBV.
 
Seinni hálfleikur var afar viðburðarlítill þrátt fyrir að eina mark leiksins hafi komi í þeim hluta leiks, en það var Danien Justin Warlem, suður-afríku maðurinn, sem skoraði eftir sendingu frá Þórarni Inga.
 
Þórarinn Ingi átti góða sendingu fyrir markið, Danien tók þunga snertingu og virtist vera að missa boltann frá sér en náði góðu skoti af stuttu færi með vinstri fætinum sem fór undir Hannes Þór í marki Framara.
 
Eftir þetta gerist lítið sem ekkert í leiknum, Eyjamenn fóru aftarlega á völlinn og lokuðu á allt það sem Framarar reyndu. Niðurstaðan því nokkuð sannfærandi 1-0 sigur á Hásteinsvellinum í Vestmannaeyjum.
 
 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is