Hallgrímur Júlíusson efstur eftir fyrsta hring

Meistaramót G.V

8.Júlí'10 | 13:04
Fyrsta keppnisdegi lauk um kvöldmatarleytið í gær. Aðstæður voru keppendum mjög erfiðar, austan 18 - 20 metrar á sek. og mikið öskufok.
 
Segja má að það hafi verið brotið blað í sögu mótsins á fyrsta keppnisdegi. Unglambið Hallgrímur Júlíusson kom þá öllum á óvart og spilaði best allra.
Hallgrímur lék á 72 höggum (2 yfir par) en eftir 16 holur var hann á einu höggi undir pari. Á 17. braut sló hann hinsvegar í Atlantshafið og lék hana á 6 höggum sem er 3 yfir par. Þetta er í fyrsta skiptið sem Hallgrímur leiðir Vestmannaeyjamótið og nokkuð örugglega ekki í það síðasta því þarna fer okkar langefnilegasti kylfingur. Hallgrímur hefur verið mjög duglegur að æfa í vetur og vor sem er klárlega að skila sér.
 
 
 
 
 
Nú verður gaman að sjá hversu vel Hallgrími tekst að halda spennustiginu niðri því ekki langt á eftir honum eru svo "hákarlarnir", Örlygur Helgi og Karl Haraldsson sem léku á 75 höggum (5). Þrjú högg er auðvitað enginn munur á 4 daga móti.
Aðrir voru nokkuð frá sínu besta. Gunnar Geir, sem hafnaði í 3.sæti í fyrra og sigraði 2008, lék á 80 höggum ( 10) og silfurmaðurinn frá því í fyrra, Rúnar Þór Karlsson, lék á 82 höggum ( 12) sem verða að teljast döpur skor.
 
Það er vonandi að vindurinn verði ekki jafn öflugur í dag og að við fáum betri skor.
 
 
Hægt að sjá stöðuna hérna á gvgolf.is
 
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.