Eyjamenn koma upp bryggju í Landeyjarhöfn

Uppfært!!

7.Júlí'10 | 10:42

Landeyjahöfn bakkafjara bakki

Vestmannaeyjabær ætlar að koma upp flotbryggju í Landeyjahöfn. Bæjarstjóri Eyjamanna segir þetta gert þar sem samgönguráðuneytið hafi ekki orðið við óskum um að koma upp aðstöðu fyrir björgunarbát í nýju höfninni.
Forstöðumaður hafnasviðs Siglingastofnunar sagði í útvarpsfréttum RÚV í gær að síaukin umferð um Landeyjahöfn, bæði á sjó og landi, truflaði vinnu verktaka auk þess sem slysahætta væri mikil.
 
Í kjölfar fréttarinnar hafa forsvarsmenn fyrirtækisins Ribsafari í Eyjum ákveðið að hætta öllum siglingum í Landeyjahöfn til 22. júlí, daginn eftir fyrstu ferðir Herjólfs þangað. Þeir segjast sýna því skilning að höfnin sé vinnusvæði.
 
Fyrirtækið Viking Tours hefur einnig verið að ferja fólk til og frá Landeyjahöfn, á báti sem notaður er til útsýnissiglinga umhverfis Vestmannaeyjar. Þar á bæ leita menn leiða til að fá að sinna siglingunum áfram. Bent er á nauðsyn þess að flytja erlenda ferðamenn sem séu strandaglópar á Bakkaflugvelli vegna rekstrarstöðvunar Flugfélags Vestmannaeyja. Siglingar Viking Tours eru miðaðar við ákveðna ölduhæð og notast er við bryggjuna sem Herjólfur mun leggjast að.
 
Beggja vegna Landeyjahafnar hefur verið kvartað yfir aðstöðuleysi smábáta og björgunarbáts í nýju höfninni. Bæjaryfirvöld í Eyjum vinna að því í samráði við Siglingastofnun að flytja flotbryggju úr Vestmannaeyjahöfn í Landeyjahöfn. Elliði Vignisson, bæjarstjóri Vestmannaeyja, segir að bærinn muni leggja til bryggju og landgang auk þess að bera kostnað af framkvæmdinni, sem nemi nokkrum milljónum króna. Þetta sé gert til að draga úr slysahættu í nýju höfninni þar sem samgönguráðuneytið hafi ekki orðið við óskum um að tryggja þar aðstöðu fyrir björgunarbát.
 
www.ruv.is greindi frá
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).