Í brekkunni á Suðurland FM 96,3

Átt þú góða Þjóðhátíðarsögu?

4.Júlí'10 | 17:09
„Við ætlum að hita upp fyrir verslunarmannahelgina og þá helst Þjóðhátíð í Eyjum eins og við gerðum í fyrra,“ segir Bersveinn Theodórsson, oft kallaður Bessi. Hann og Vignir Egill Vigfússon fara í loftið með þáttinn Í brekkunni á Suðurland FM 96,3 mánudaginn 26. júlí og verður þátturinn að mestu sendur beint út frá Vestmannaeyjum.
 
„Við verðum í beinni frá Vestmanneyjum frá þriðjudegi og fram á laugardag og þá beinist athyglin að langmestu leyti að Þjóðhátíð. En við munum einnig fara yfir það sem verður að gerast á Suðurlandi um verslunarmannahelgina í upphafi vikunnar,“ segir Bessi. „Við munum heyra í þeim sem koma fram á hátíðinni og einhverjir munu taka lagið í beinni, spjalla við hinn almenna Þjóðhátíðargest, fara yfir allt sem þú þarft að vita fyrir Þjóðhátíð og margt fleira.“
 
Nú er farinn í gang skemmtilegur leikur í tengslum við þáttinn þar sem hlustendum gefst tækifæri á að vinna miða á hátíðina og álíka glaðning. Það eina sem fólk þarf að gera til að taka þátt í leiknum er að senda sína Þjóðhátíðarsögu á netfangið ibrekkunni@963.is og það er komið í pottinn. „Við gerðum þetta í fyrra og það kom virkilega vel út. Við fengum margar góðar sögur og fólk hafði gaman af því að heyra þessar sögur í útvarpinu,“ segir Bessi. „Nú hefur fólk meiri tíma til að rifja upp bestu söguna sína og senda hana á okkur. Við ásamt góðu fólki munum svo velja bestu söguna og hlýtur eigandi hennar flott verðlaun. Sigurvegarinn verður tilkynntur í þættinum þriðjudaginn 27. júlí.“
 
Fyrir þá sem vilja fræðast meira um leikinn og þáttinn er hægt að senda póst á ibrekkunni@963.is. „Svo er auðvitað hægt að finna okkur á facebook með því að leita að Í Brekkunni,“ segir Bessi að lokum.
 
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.