Betri horfur hjá lundanum

3.Júlí'10 | 13:48

Lundi

Mun betur horfir hjá lundastofninum í Vestmannaeyjum nú í sumar en undanfarin ár. Ábúðarhlutfall í lundaholum í Eyjum hefur ekki verið betra síðan rannsóknir hófust 2007 og hefur nú náð landsmeðaltali, um 75% ábúðarhlutfalli, en það var um 50% í fyrra.

Erpur Snær Hansen líffræðingur fór ásamt Marinó Sigursteinssyni pípulagningameistara í margar lundabyggðir í Vestmannaeyjum og víðar í sumar.  Erpur segir þessa breytingu í Eyjum vera vísbendingu um að lundinn upplifi eitthvað breytt ástand frá fyrri árum.

„Það eru um 240.000 pör sem bætast nú við þau sem verpa,“ sagði Erpur. „Lundinn í Eyjum byrjaði líka að verpa um tiu dögum fyrr nú en í fyrra sem er mikil breyting. En hins vegar er áberandi með Eyjar hvað mörg pör draga varp langt fram eftir sumri. Lundar voru enn að verpa eftir 15. júní.“

Enn hafa ekki fundist neinar pysjur í holum í Vestmannaeyjum en í lundabyggðum annars staðar á landinu hafa 10-50% eggja þegar klakist. Svo virðist sem varpið sé mun fyrr á ferðinni á Norður- og Austurlandi en á Suður- og Vesturlandi, að sögn Erps.

Veitt í fimm daga

Alls er óvíst hvenig lundapysjunum í Vestmannaeyjum reiðir af þegar þær loksins komast úr eggi. Ætisskortur hefur valdið miklum pysjudauða í Vestmannaeyjum undanfarin ár.

Bæjaryfirvöld í Vestmannaeyjum ákváðu í gær að heimila lundaveiði í fimm daga í sumar. Ekki er búið að ákveða hvenær veiðidagarnir verða. Í fyrra var veiðitíminn síðast í júlí. 
 
www.mbl.is greindi frá.
 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.