Logar - Spútník í Popppunkti í kvöld

2.Júlí'10 | 11:55

logar

Þeir Felix Bergsson og dr. Gunni eru mættir á ný með nýja seríu af Popppunkti. Í þáttunum takast íslenskar hljómsveitir á í æsandi spurningaleik, þar sem gáfur og viska, ásamt snerpu, atgervi og heppni ráða niðurstöðunni - já og tónlistarhæfileikar.
Sextán hljómsveitir taka þátt í keppninni í sumar. Keppnin er með útsláttarfyrirkomulagi og mun því eitt sigurlið standa uppi í lok sumars og fá glæsilega vinninga ásamt þeim svakalega heiðri sem fylgir því að vera sigurlið Popppunkts.
 
Logar - Spútník.
Sýnt: laugardagur 3. júlí 2010 kl. 21.05.
Endursýnt: 4. júlí 2010 kl. 10.15; 6. júlí 2010 kl. 23.10
 
1964 var starfandi hljómsveitin Skuggar og hafði hún veri starfandi um nokkurt skeið, meðlimir Skugga voru þá þeir Grétar Skaptason gítar, Helgi Hermannsson söngur og gítar, Henry Á Åberg Erlendsson bassi og Hörður Sigmundsson trommur. 1964 var hljómsveitin Skuggar lögð niður og sömu menn stofnuðu hljómsveitina LOGA og fengu gítarleikarann Þorgeir Guðmundsson til liðs við sig.
 
Þannig að LOGAR voru fullskipaðir: Þeir áttu eftir að ganga í gegnum nokkrar mannabreytingar meðan þeir störfuðu en þó var söngvarinn Helgi Hermannsson lengstum leiðtogi Loga. Hljómsveitarmeðlimir vöktu talsverða athygli fyrir þá ósvífni sína að safna hári niður á axlir, og þó bítlarnir hafi brotið ísinn nokkrum árum áður með því að láta hár sitt vaxa niður fyrir eyru þótti á þessum tíma yfirgengilegt og nánast óforskammað af ungum og prúðum Eyjapiltum að láta hár sitt vaxa niður á axlir.
 
Logar leituðu áhrifa frá Rolling Stones og Who frekar en Bítlunum eins og flestar sveitir landsins gerðu á þeim tíma.
 
Þó svo Logar væru bókaðir helgi eftir helgi í samkomuhúsinu í Eyjum áttu þeir það til að leggja land undir fót. Það gerðu þeir meðal annars þegar þeir ásamt Dátum hituðu upp fyrir Hollies Í Háskólabíói og segja má að þar hafi sveitin slegið í gegn, þrátt fyrir að gagnrýnendum þætti vanta upp á sviðsframkomuna. En Andrés Indriðason var nógu hrifinn af bandinu til að bjóða þeim í upptöku sem fram fór í ágúst 1966, þar sem verið var að prufa upptökutæki sjónvarpsins áður en það færi í loftið.
 
Logar sömdu efni sitt sjálfir, jafnvel við texta Ása í bæ. Á hippatímanum æfði sveitin stíft framúrstefnuprógramm en þegar ljóst var að almennir Eyjaskeggjar skildu þessa stefnu engan veginn var blaðinu snúið við og léttari tónlist tekin upp sem varð allsráðandi á böllum sveitarinnar upp frá því.
 
Árið 1973 kom út fyrsta plata þeirra félaga og smellurinn Minning um mann var eftir Gylfa Ægisson. Þegar eldgosið mikla var í Eyjum hrökktust piltarnir í Logum til lands eins og aðrir eyjaskeggjar en snéru til baka um leið og færi gafst. Það lá beint við að gerast þjóðlegur Eyjabúi eftir þessar náttúruhamfarir. Enda er það aðall Loga á þeirra einu LP plötu sem kom út 1977 og bar viðeigandi heiti: Mikið var.
 
Heimildir: Ruv.is
aðdáendasíða Loga á Facaebook.
 
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Óska eftir leiguhúsnæði

10.Ágúst'19

Óska eftir að taka á leigu húsnæði fyrir minni útgerð, lágmarksstærð ca. 20 fm. Kaup koma líka til greina, skoða allt. Upplýsingar s: 869 3499, Georg

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.