Bann eða takmörkun smábátasiglinga

24.Júní'10 | 22:33

Landeyjahöfn bakkafjara bakki

Siglingastofnun íhugar að takmarka eða banna alfarið siglingar smábáta um Landeyjahöfn. Lögregluyfirvöld í Vestmannaeyjum og á Hvolsvelli hafa áhyggjur af aukinni umferð smábáta um höfnina vegna aðstöðuleysis þar.
 
Siglingar smábáta í Landeyjahöfn voru ræddar á fundi sem lögregluyfirvöld í Vestmannaeyjum og á Hvolsvelli áttu með fulltrúum Siglingastofnunar í gær.
Karl Gauti Hjaltason, sýslumaður í Eyjum, segir það einsdæmi ef siglingar smábáta verða takmarkaðar eða bannaðar í nýju höfninni. Reynslan sýni samt sem áður að umferð sé mikil þrátt fyrir að engin aðstaða sé þar fyrir smábáta.
 
Sigurður Áss Grétarsson, forstöðumaður hafnasviðs Siglingastofnunar, segir til greina koma að banna alfarið siglingar smábáta um höfnina. Annar kostur sé að takmarka þær við ölduhæð í samræmi við stærðir báta. Ekkert hafi frést af fjármunum vegna smábátaaðstöðu sem ekki var gert ráð fyrir í þessum verkhluta.
 
Sigurður segir að frá upphafi hafi staðið til að Björgunarfélag Vestmannaeyja sæi um björgun á sjó við nýju höfnina, en félagið hefur yfir að ráða björgunarbátnum Þór. Björgunaraðstaða í Landeyjahöfn hafi verið til umræðu, en hún geti fyrst orðið að veruleika í tengslum við hugsanlega smábátaaðstöðu.
 
Einar Jónsson, formaður björgunarsveitar Landeyja, segir það nauðsynlegt að björgunaraðstaða sé í Landeyjahöfn. Það geti tekið björgunarmenn frá Vestmannaeyjum fimmtán mínútur að sigla frá Eyjum, sem sé of langur tími ef eitthvað gerist innan hafnarinnar. Auk þess geti komið upp sú staða að ófært sé fyrir björgunarbátinn Þór inn í Landeyjahöfn.
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.