Fetaði í fótspor stóru systur

Elín Sólborg sumarstúlka Vestmannaeyja 2010

22.Júní'10 | 18:46
Sumarstúlka Vestmannaeyja var valin í Höllinni í Eyjum síðasta laugardagskvöld og var sigurvegari keppninnar hin átján ára gamla Elín Sólborg Eyjólfsdóttir. Þetta er í tuttugasta og fjórða skipti sem keppnin er haldin, en hún fer fram hvert sumar.
Elín Sólborg stundar nám á náttúrufræðibraut við Framhaldsskólann í Vestmannaeyjum auk þess sem hún er formaður nemendaráðs skólans. Hún segist hafa ákveðið að taka þátt í keppninni þar sem systir hennar var kosin Sumarstúlkan árið 1999.
 
„Ég var beðin um að taka þátt og ég ákvað að slá til því systir mín vann árið 1999 og mér fannst skemmtileg tilhugsun að feta í fótspor hennar. Margar vinkonur mínar tóku einnig þátt í keppninni í ár þannig að það var aldrei neinn mórall á milli okkar sem kepptu," útskýrir Elín. Hún segir keppnina ekki vera hefðbundna fegurðarsamkeppni heldur sé Sumarstúlkan valin út frá persónuleika og framkomu.
 
„Valið er meira byggt á hvernig stúlkurnar bera sig og persónuleika þeirra. Þetta er heldur ekki forval fyrir Ungfrú Ísland og ég efast stórlega um að leið mín liggi í þá keppni. Sigurinn kom þó skemmtilega á óvart því mér fannst hæpið að við systurnar myndum báðar vinna þennan titil," segir hún og hlær.
 
Aðspurð segist Elín að sjálfsögðu ætla að taka þátt í þjóðhátíð í ár eins og sönnum Eyjamanni sæmir og bætir við að fjölskylda hennar hafi aldrei misst af þjóðhátíð í öll þau ár sem hún hefur verið haldin. Hvað framtíðina varðar segist Elín hafa mikinn áhuga á að stunda nám í læknisfræði.
 
„Ég hef mikinn áhuga á öllu náttúrufræði tengdu og langar að flytja til Kaupmannahafnar eftir stúdentsprófið og sjá hvað hún hefur upp á að bjóða. Það er svo aldrei að vita nema maður fari í nám þangað."
 
visir.is greindi frá.
 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).