GOSLOKAHÁTÍÐ 2010

Fjölbreytt dagskrá í boði

18.Júní'10 | 18:07

goslok

 
Fyrstu helgina í júlí höldum við Eyjamenn upp á goslokin og líkt og undanfarin ár verður vegleg goslokahátíð haldin. Vestmannaeyjabær leggur mikinn metnað í að hátíðin verði sem vönduðust og miklu hefur verið kostað til.
 
 
 
 
Dagskrá helgarinnar er að líta dagsins ljós og sem fyrr hefur verið lögð áhersla á að hafa hana sem fjölbreyttasta, þannig að allir ættu að geta fundið eitthvað við sitt hæfi. 
 
“Efni og andi í byggingarlist” - sýning á verkum Högnu Sigurðardóttur arkitekts, “Vísur úr vísnabókinni” fjölskyldutónleikar Gunnars Þórðarsonar og félaga, ásamt völdu tónlistarfólki úr Eyjum. Frumsamið lag hátíðarinnar, opnun Surtseyjarstofu, stórtónleikar í Höllinni, hefðbundin kvöldhátíð í Skvísusundi og margt fleira.
 
 
 
Opnuð verður sýning á völdum verkum Högnu Sigurðardóttur arkitekts í anddyri Byggðasafnsins, en Högna var m.a fyrsta konan til þess að teikna íbúðarhús á Íslandi, í Vestmannaeyjum. Gunnar Þórðarson og félagar ásamt tónlistarfólki úr Vestmannaeyjum verða með tónleika ef veður leyfir á Stakkagerðistúni “Vísur úr vísnabókinni” en um er að ræða margrómaða barnatónlist sem flestir kannast við. Handverksmarkaðir, sýningar og gönguferðir verða að venju í dagskránni. Eyjatónleikar verða í Höllinni á föstudag og Skvísusundsstemmning verður með hefðbundnum hætti á laugardeginum. Af öðrum viðburðum helgarinnar má nefna opnun á Surtseyjarstofu, ljósmyndasýning Guðmundar Sigfússonar, sýning Elísabetar Sigurjónsdóttur og handverksmarkað nokkurra Eyjamanna í Svölukoti. Nánari dagskrá verður auglýst síðar.
 
 
Í fyrsta sinni hefur verið valið lag hátíðarinnar. Lag og texti eftir Ósvald Frey Guðjónsson. Það er von goslokanefndar að lagið muni hljóta góðan hljómgrunn meðal hátíðargesta. Stefnt er að því að velja lag hátíðarinnar árlega og gefst þá flinkum Eyjamönnum kostur á að taka þátt.
 
 
 Hátíðin er Eyjamönnum að kostaðarlausu en í næstu viku koma sölubörn til með að ganga í hús og selja merki hátíðarinnar. Eru Eyjamenn hvattir til þess að taka vel á móti sölubörnum. Allur ágóði af sölu merkjanna rennur til uppbyggingar barna –og fjölskyldudagskrár goslokahelgarinnar. Merkin verða einnig til sölu í Upplýsingamiðstöð ferðamanna í Eymundsson og í Safnahúsinu.
 
 
 Í fyrra settu hússkreytingar Eyjamanna mikinn svip á hátíðina og víða var vandað verulega til. Goslokanefnd hvetur Eyjamenn til að halda uppteknum hætti og skreyta hús sín í goslokalitunum, þ.e rauðum, gulum, appelsínugulum og svörtum.
 
 

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-