Færri erlendir ferðamenn í Eyjum

17.Júní'10 | 01:00
Ferðamenn sem höfðu pantað ferðir til Vestmannaeyja flugleiðina ofan af Bakka vita ekki að flug þaðan liggur niðri vegna rekstarstöðvunar Flugfélags Vestmannaeyja. Eigendur ferðaþjónustu í Eyjum segja þetta koma illa við sig, í sumum tilfellum hefur fólk verið sótt í Landeyjahöfn.
Hjónin Sigurgeir Scheving og Ruth Barbara Zohlen eiga fyrirtækið Eyjaferðir. Þau eru með gistiheimili, tvær rútur og reka ferðamannabíóið Eyjamyndir þar sem sýndar eru eldgosamyndir og fleiri myndir tengdar mannlífinu í Vestmannaeyjum.
 
Þau segja að bíógestum hafi fækkað um 90% frá sama tíma í fyrra. Fækkun ferðamanna sé tilkomin vegna eldgossins í Eyjafjallajökli en ekki síður vegna rekstrarstöðvunar Flugfélags Vestmannaeyja, sem flaug milli Bakka og Eyja.
 
Hjá fyrirtækinu Viking Tours í Eyjum er svipaða sögu að segja, ferðamenn viti ekki af því að Bakkaflug liggi niðri. Stundum hefur verið gripið til þess ráðs að sækja fólk á báti fyrirtækisins upp í Landeyjahöfn. Áætlað er að siglingar Herjólfs þangað hefjist 21. júlí næstkomandi.
 
Ekki náðist í Flugfélag Vestmannaeyja við vinnslu fréttarinnar.
 
ruv.is greindi frá

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is