Fyrsta makrílaflanum landað í Eyjum

12.Júní'10 | 02:17
Fyrsta makrílafla sumarsins var landað í Vestmannaeyjum í nótt, þegar Júpiter ÞH kom þangað og landaði 100 tonnum hjá Ísfélaginu.
 
Makríllinn er stór og fallegur, segir Jón Axelsson skipstjóri á Júpiter, um 400 gramma fiskur sem þykir gott. Hann verður frystur hjá Ísfélaginu og er þetta í rauninni einskonar prufutúr til að reyna vinnslukerfið í landi. Búast má við að verðmætið sé um 170 krónur fyrir kílóið. Ekki þurfti að fara langt eftir makrílnum að þessu sinni, fimmtán mílum suðaustur frá Vestmannaeyjum.
 
Það kom þægilega á óvart, segir Jón Axelsson, hve vestarlega og grunnt makríllinn var. Þessi hundrað tonn fengust í flottroll í gær, makríllinn var í æti í yfirborðinu. Jón segist ekki hafa leitað mikið, þeir drifu bara í að fá þennan slatta til að fara með í land, en nú eru þeir á útleið og ætla vestar og dýpra.
 
Þeir renna nokkuð blint í sjóinn, enda eru ekki önnur skip komin á makrílveiðar ennþá og Júpiter því einn um að leita að honum, en makríllinn leitar í um tíu stiga sjávarhita og má taka mið af því. Jón segir þá vonast til að finna meiri makríl vestar og austar. Hann á ekki von á öðru en að mikið eigi eftir að veiðast.
 
 ruv.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).