Eyverjar skora á Ragnheiði Elínu að bjóða sig fram til varaformanns

12.Júní'10 | 01:56

Eyverjar

Eyverjar, félag ungra Sjálfstæðismanna í Vestmannaeyjum, skora á Ragnheiði Elínu Árnadóttur oddvita Sjálfstæðisflokksins í Suðurkjördæmi að bjóða sig fram til varaformanns Sjálfstæðisflokksins á komandi landsfundi.
Eyverjar telja mikilvægt að forysta Sjálfstæðisflokksins endurspegli þann fjölbreytileika sem einkennir flokkinn. Því er nauðsynlegt að landsbyggðin eigi fulltrúa í forystu flokksins. Það liggur beinast við að sá fulltrúi komi úr Suðurkjördæmi, kjördæminu þar sem Sjálfstæðisflokkurinn er sterkastur eins og sást í nýafstöðnum sveitastjórnarkosningum þegar flokkurinn vann stórsigur víða um kjördæmið og nýtur þar hlutfallslega mest fylgis.
 
Ragnheiður hefur sem oddviti flokksins í kjördæminu og sem formaður þingflokksins sannað sig sem leiðtogi og öflugur fulltrúi landsbyggðarinnar sem stendur vörð um grunnatvinnuvegi þjóðarinnar og er ötull talsmaður atvinnuuppbyggingar.
 
Eyverjar telja Ragnheiði réttu manneskjuna til að gegna embætti varaformanns og að hún muni vinna að sókn Sjálfstæðisflokksins um land allt með einstaklings- og atvinnufrelsi að leiðarljósi.
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.