Engin aðstaða fyrir björgunarbát

10.Júní'10 | 18:25
Vestmannaeyjabær hefur óskað eftir því við Siglingastofnun að útbúin verði aðstaða fyrir björgunarbát í Landeyjahöfn. Hjá Siglingastofnun einbeita menn sér fyrst að því að klára höfnina svo siglingar Herjólfs geti hafist á réttum tíma.
Um tíma kom öskufall í veg fyrir sjúkraflutninga milli lands og Eyja loftleiðina. Hvorki var hægt að fljúga á þyrlu eða flugvél og var björgunarbáturinn Þór notaður til sjúkraflutinga, meðal annars þegar flytja þurfti ófríska konu upp á fastalandið. Þorbjörn Víglundsson er skipstjóri á björgunarbátnum Þór.
 
Vestmannaeyjabær hefur farið þess á leit við Siglingastofnun að útbúin verði aðstaða fyrir björgunarbát í Landeyjahöfn. Elliði Vignisson, bæjarstjóri, segir að þannig aðstaða geti einnig nýst fyrir smábáta.
 
Fréttastofa hefur áður greint frá því að þingmenn Suðurkjördæmis þrýsta á samgönguráðherra að fjármagna gerð smábátabryggju, en umferð smábáta um höfnina er mikil nú þegar.
 
Sigurður Áss Grétarsson, yfirmaður hafnasviðs Siglingastofnunar, segir að allt kapp sé lagt á að gera höfnina tilbúna fyrir áætlunarsiglingar Herjólfs, sem eiga að hefjast 21. júlí næstkomandi. Í framhaldi verði hægt að skoða önnur mál. Hann telur að ekki þurfi að útbúa sérstaka aðstöðu fyrir björgunarbát þar sem ekjubrú Herjólfs verði fjarstýrð og hana megi nota fyrir aðkomu björgunarbáts hvenær sem er sólarhringsins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.