Ruddaleg aðför að kjósendum

Ragnar Óskarsson

28.Maí'10 | 15:49

Raggi Óskars, Ragnar óskarsson

Hér áður fyrr tíðkaðist sá ósiður við kosningar að fulltrúar stjórnmálaflokkanna fylgdust með því á kjörstað hverjir kæmu til að kjósa og hverjir ekki. Merkt var við og upplýsingar sendar um þetta á kosningaskrifstofur til upplýsinga. Eftir því sem tíminn leið þóttu þessi vinnubrögð vafasöm í meira lagi og því voru þau nánast lögð af. Á síðustu árum hafa njósnir af þessu tagi þótt dónalegar, ruddalegar og stríða gegn lýðræðislegum þáttum um frelsi einstaklingsins til leynilegra kosninga.
Sjálfstæðisflokkurinn í Vestmannaeyjum hefur ekki látið segjast og í kosningunum á morgun ætlar hann enn sem fyrr að njósna um kjósendur í Vestmannaeyjum. Þegar þú ferð að kjósa á morgun munu fulltrúar Sjálfstæðisflokksins sitja með skriffæri og skrá þig í sín gögn án þess að spyrja þig leyfis. Nafn þitt verður sent upp í Ásgarð til nánari úrvinnslu án þess að spyrja þig leyfis. Þannig sýnir Sjálfstæðisflokkurinn þér fullkomna lítilsvirðingu og yfirgang og brýtur grunngildi lýðræðisins. Og það sem grátlegast er við þetta allt er að það fólk sem biður þig um traust og stuðning sinn í kosningunum sýnir þér fullkomið virðingarleysi og vantraust í staðinn. Og þetta gera frambjóðendur Sjálfstæðisflokksins einmitt á þeim degi sem þú villt helst og átt rétt á að fá frið fyrir pólitískum afskiptum.
Ég hef oft í skrifum og umræðu varað við vinnubrögðum og yfirgangi Sjálfstæðisflokksins og margir afgreitt þá umræðu mína sem léttvægan áróður. Nú blasir hins vegar við eitt skýrt dæmi sem þú munt verða vitni að á morgun. Nú verður þú vitni að því hvernig Sjálfstæðisflokkurinn hegðar sér í smáum málum sem stórum.
Mér finnst einnig að þú eigir að velta fyrir þér hvort þú eigir að treysta þeim flokki sem ekki treystir þér á móti, hvort þú eigir að greiða þeim flokki atkvæði þitt sem lítilsvirðir kosningarétt þinn og sjálfan þig með þeim hætti að njósna um þig.
Kannski snýst Sjálfstæðisflokknum hugur í dag og verður ekki með njósnara á kjörstað á morgun og væri það vel. En ef ég þekki flokkinn rétt mun hann halda sínu striki og með sínum óskammfeilna og ógeðfellda hætti sýna það andlit sem hann ber í raun undir lýðræðis- og brosgrímu sinni. Við skulum fylgjast vel með hvað gerist á morgun og ekki vera hrædd við að svara á móti með því að kjósa ekki Sjálfstæðisflokkinn.
 
  Ragnar Óskarsson
 
 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.