Fagur og lifandi bær er okkar stolt

Gulli Grettis og Hildur Sólveig skrifa

28.Maí'10 | 19:39
Nú þegar kjörtímabilið er að renna sitt skeið er gaman að skoða hvað gert hefur verið og hvert stefnt er í skipulagsmálum miðbæjarins. Í fyrsta skipti í mjög langan tíma hafa stórar fjárhæðir verið settar í fegrunaraðgerðir í miðbæ Vestmannaeyja. Þar hefur verið settur aukinn krafur í prýðisgott skipulag sem þegar er farið að vinna eftir í miðbænum og áfram skal haldið. Sú framtíðarsýn sem frambjóðendur Sjálfstæðisflokksins hafa fyrir svæðið er í fyrsta lagi að tengja enn frekar miðbæinn og höfnina enda er það þar sem Eyjahjartað slær mest og öll okkar störf tengjast með einum eða öðrum hætti.
Í þeirri vinnu er stefnt að því að nýtt hafnartorg verði að veruleika á komandi árum þar sem nú er geymslusvæði smábáta. Við þetta mun geymslusvæðið verða fært í gamla slippinn. Þegar þessum áfanga verður lokið verður hægt að ganga niður bæði Bárustíginn og/eða Skólaveginn niður að smábátasvæðinu í fallegu umhverfi. Lagðar hafa verið fram metnaðarfullar hugmyndir að þessu skipulagi. Ólíkt því sem áður hefur tíðkast ákvað Umhverfis- og skipulagsráð að bíða með afgreiðslu á þessu skipulagi þrátt fyrir að kosningar séu á næsta leiti enda málið mun stærra en hugsanleg jákvæð skammtímaáhrif þess á kosningavinnu einstakra flokka. Allt kapp er lagt á að vanda til verksins og setja niður skipulag sem hægt er að vinna eftir á komandi árum. Í öðru lagi ætlum við að halda áfram með sama skipulag til suðurs þ.e. upp Hilmisgötuna og taka það svæði í gegn. Gróður, bekkir og lýsing á því svæði munu gjörbreyta allir ásýnd þess til batnaðar og má auðveldlega sjá fyrir sér þá fallegu mynd sem mun blasa við bæjarbúum frá Stakkagerðistúni niður að höfninni með Heimaklett í allri sinni dýrð í baksýn.
 
Við heyrum oft sagt af gestum sem heimsækja Vestmannaeyjar að bærinn okkar sé fallegur staður og í allri okkar hógværð þá getum við tekið undir þessi orð. Við megum þó aldrei gleyma að til þess að svo megi vera áfram þurfum við að þróa okkar umhverfi og vera óhrædd að leyfa okkur að hugsa stórt, vitandi vits að hugsanlega verði ekki hægt að setja alla okkar drauma í framkvæmd strax. Góðir hlutir gerast hægt en vinna þarf af öryggi, festu og fagmennsku og þannig getur niðurstaðan orðið okkur öllum til sóma.
 
Gunnlaugur Grettisson og Hildur Sólveig Sigurðardóttir skipa 4. og 6. sæti á framboðslista Sjálfstæðisflokksins í komandi kosningum.
 
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.